Telegram kanaldarda "Vagner" jeke äskeri kompaniiasynyŋ basşysy Evgenii Prigojinge tiesılı delıngen audiojazba jariialandy, dep habarlaidy “Adyrna” ūlttyq portaly.
Audioda Prigojin delıngen adam Mäskeuge jetpei, kerı qaitatynyn habarlaǧan.
Bız kolonnalardy ainaldyryp, kerı qaitamyz. Olar «Vagnerdı” taratqysy keldı, bız 23 mausymda ädılet marşyna şyqtyq. Kündız Mäskeuge deiın 200 kilometr jete almadyq. Osy uaqyt ışınde jauyngerlerımızdıŋ bır tamşy qanyn tökken joqpyz. Qazır qan töguge bolatyn sät. Bıraq, bır jaǧyna orys qany tögıletınıne bar jauapkerşılıktı tüsınıp, kolonnalarymyzdy kerı ainaldyryp, jospar boiynşa dala qostaryna qarama-qarsy baǧytqa şyǧamyz, - dedı audioda “Prigojin”.
Eske salsaq, 24 mausymǧa qaraǧan tünı Evgenii Prigojin Resei qorǧanys ministrlıgın soqqy berdı dep aiyptap, qaruly qaqtyǧys bastalǧanyn mälımdegen. Keiınırek Evgenii Prigojinge qarsy qaruly köterılıs ūiymdastyru faktısı boiynşa qylmystyq ıs qozǧaldy.
Keiın Putin äskeri bülıkşılerdı satqyn dep aiyptady.
Al Prigojinnıŋ dausyna ūqsas adam audio-jazbada “qan tögılmegenın” aitqanymen, būdan aldyn osy toptyŋ reseilık tıkūşaqty atyp tüsırgenı habarlanǧan edı.
