Biylǧy oqu jylyna arnalǧan bılım granttarynyŋ tızımı jariialandy

Elımızde joǧary bılım berudıŋ barlyq deŋgeilerı boiynşa 2023 - 2024 oqu jylyna arnalǧan bılım beru granttaryn bölu tızımı jariialandy, dep habarlaidy "Adyrna" ūlttyq portaly.

Ǧylym jäne joǧary bılım ministrlıgı deregıne süiensek, biyl joǧary oqu oryndarynda oqu üşın 88 myŋ grant bölıngen. Granttardyŋ basym bölıgı "İnjenerlık, öŋdeu, qūrylys salalary" bılım beru baǧdarlama toptaryna bölındı, olardyŋ sany 18 744 grantty qūraidy. Al "Pedagogikalyq ǧylymdarǧa" – 12 560 grant, "Aqparattyq-kommunikasiialyq tehnologiialar" salasyna – 10 103 grant, "Jaratylystanu ǧylymdary, matematika jäne statistika" baǧytyna – 7 388 grant tiesılı. Sondai-aq, "Serpın" baǧdarlamasy arqyly tüsuşılerge 3 653 grant bölıngen. "Serpın" jobasy arqyly 4 daiarlau baǧyty boiynşa bılım aluǧa bolady. Atap aitsaq, pedagogikalyq ǧylymdar, injenerlık-tehnikalyq, aqparattyq tehnologiialar, auylşaruaşylyǧy mamandyqtary boiynşa oquǧa tüse alady. Baǧdarlamaǧa oŋtüstık öŋırdegı auyl jastary qatysady. Aita ketsek, oqu bıtırgesın grant öteu merzımı 3 jyldan 2 jylǧa qysqartyldy. Sondai-aq, būryn mamandar özı oqyǧan aimaqta ǧana grantty jūmyspen öteitın bolsa, endı 11 aimaqta qyzmet ete alady. Jalpy, bakalavriatqa tüsu üşın 2023-2024 oqu jylynda 73 myŋǧa juyq grant bölındı. "Memleket basşysynyŋ tapsyrmasy boiynşa barlyq granttyŋ 60% tehnikalyq mamandyqtarǧa bölındı. Sonymen qatar biyl halyq tyǧyz qonystanǧan batys jäne jaŋadan qūrylǧan öŋırlerdıŋ jastary üşın granttar bölındı. Talapkerler berılgen aqparat negızınde dūrys taŋdau jasaidy dep senemın", - dep atap öttı QR Ǧylym jäne joǧary bılım vise-ministrı Quanyş Erǧaliev. Magistraturaǧa tüsuge 13 myŋnan astam, doktoranturaǧa tüsuge 1800-den astam grant bölıngen.