Aqtöbede esırtkı taratumen ainalysqan erlı-zaiypty 11 jylǧa sottaldy, dep habarlaidy «Adyrna» tılşısı Polisia.kz-ke sılteme jasap.
«Ötken jyldyŋ soŋynda Aqtöbe oblysy polisiia departamentınıŋ esırtkı qylmysyna qarsy ıs-qimyl basqarmasynyŋ qyzmetkerlerı arnaiy jasaqpen bırlesıp maqsatty jedel-ızdestıru şaralaryn jürgızu barysynda Aqtöbe qalasynda 27 jastaǧy äiel men 40 jastaǧy er azamatty ūstady. Medisinalyq kuälandyru qorytyndysyna säikes, erlı-zaiyptylardyŋ ekeuı de esırtkılık mas küide bolǧan. Olardy jeke tıntu, tūrǧylyqty jerın jäne esırtkı qoiǧan jerlerın tıntu barysynda jalpy salmaǧy 1,5 kelını qūraityn sintetikalyq psihotroptyq zattar tärkılendı»,—delıngen habarlamada.Būl derekter boiynşa Qylmystyq kodekstıŋ 297-babynyŋ 3-bölıgı boiynşa qylmystyq ıs qozǧaldy. 2023 jyldyŋ mamyr aiynda Aqtöbe qalasynyŋ qylmystyq ıster jönındegı mamandandyrylǧan audanaralyq sotynyŋ şeşımımen erlı-zaiyptylar satu maqsatynda asa ırı kölemde psihotroptyq zattardy saqtaǧany men tasymaldaǧany üşın kınälı dep tanylyp, 11 jylǧa bas bostandyǧynan aiyryldy.
