Qazaq küresı Olimpiada oiyndarynyŋ tızımıne enuı mümkın

2007
Adyrna.kz Telegram
https://adyrna.kz/content/uploads/2023/06/695755_1580821380.jpg
Keleşekte ūlttyq qazaq küresı halyqaralyq olimpiada oiyndarynyŋ baǧdarlamasyna enuı mümkın. Bügınde būl baǧytta kelıssıözder jürıp jatyr. Būl haqynda «Qazaqstan barysy» qorynyŋ resmi ökılı Dias Ahmetşärıp baiandady, dep habarlaidy "Adyrna" ūlttyq portaly. Qazaq küresınıŋ keleşegı jaiynda:
«Qazaqstan barysy» turnirın halyqaralyq deŋgeige şyǧaru boiynşa bügınge deiın ūlttyq sport türlerın keŋınen därıptep kelemız. Mysaly, japondyqtardyŋ sumo küresı, tatarlardyŋ beldesu küresı, al bızde qazaq küresı bar. Bızdıŋ basty maqsat – qazaq küresın Olimpiada baǧdarlamasyna engızu. Bügınde qazaq küresı elımızben qatar alys-jaqyn şetelde tanymal. «Qazaqstan barysynan» bölek Euraziia jäne älem barysyn ötkızıp kelemız», - dedı Dias Ahmetşärıp elordada ötken baspasöz mäslihatynda.
Onyŋ aituynşa, qazaq küresın halyqaralyq arenaǧa şyǧaratyn uaqyt keldı. Sonymen qatar, Dias Ahmetşärıp qai jylǧy Olimpiada oiyndarynda qazaq küresıne janküier bola alatynymyzdy boljady:
«Qazır būl baǧytta jūmys jürıp jatyr. Mümkın 2028 jyly, mümkın 2032 jyly bolyp qalar», - dedı ol.

"Adyrna" ūlttyq portaly 

Pıkırler