Baıtaq astananyń baby. Kólginov qurǵatqan kóldi Qasymbek qolyna aldy

3034
Adyrna.kz Telegram

Búgin Ortalyq kommýnıkaııalar qyzmetinde Astana qalasy ákimi Jeńis Qasymbektiń qatysýymen baspasóz konferenııasy ótti. Ákimge Astanaǵa kóship kelýshi halyqtyń qarasy jáne Taldykól máselesin suraq retinde qoıdyq. Bas shahardyń basshysy suraqqa baıypty jaýap berdi.

Jeńis Mahmutuly halyqqa esep bergen kezdesýde belgili aqyn Nesipbek Aıtuly «Astana sozyla beretin rezeńke emes qoı endi. Sondyqtan, bolashaqta astanaǵa kelýshilerdi shekteý kerek» degen bolatyn. Astana ákimi aqynnyń pikirine qalaı qaraıdy?

«Biz ýnıtarly memleketpiz.  Qazaqstannyń halqy elordaǵa kóship kelse, oǵan eshqandaı shekteý joq. Bolmaıdy da. Ekinshi bir másele bar. Sonshama adam kóship kelip jatyr. Ol azamattardy qabyldaý úshin Astana sapaly ınjenerlik jáne áleýmettik ınfraqurylymdy daıyndaý kerek. Durys qoı. Halyq kelip jatyr, mektep jáne basqa da áleýmettik nysandar jetispeı jatyr. Jylý men sý máselesi tolyǵymen sheshilgen joq. Osyndaı máseleni tezdetip sheshý qajet. Jalpy ýrbanızaııa – álemdegi trend. Astanaǵa da, Almatyǵa da, Shymkentke de jáne basqa da iri qalalarǵa halyq kóship kele beredi. Bizdiń josparymyz boıynsha, 2030 jylǵa deıin qala halqynyń sany 2 mln jetedi. Sondyqtan biz soǵan daıyndalyp jatyrmyz», – dedi ol.

Astananyń eń basty máseleriniń biri Taldykóldiń jyry desek qatelespegen bolar edik.  Taldykóldi saqtap qala alamyz ba jáne sol jerge úlken saıabaq salyna ma? Taldykólde úlken saıabaq salý máselesi nazardan tys qalyp qalǵan joq pa? Jýrnalıstiń bul saýalyn ákim «óte oryndy suraq» dep aıtty.

«Bul másele kúnde kóteriledi. Belsendi azamattar men ekologtarmen osy máseleni aqyldasyp júremiz. Qazir kelesi sheshimge kelip otyrmyz. Úlken Taldykólde 1990 jyldary 50 mln kýb sý bolatyn. 2000 jyldary 10 mln kýb sý bolsa, qazir onyń mólsheri 1 mln  kýbtan az. 2015 jyldan bastap káriz aryly Taldykólge baratyn sýdy tazalap Esil ózenine jibergenbiz. Endi mınıstrlikpen kelisip ol sýdy Úlken Taldykólge beretin boldyq. Eki apta boldy ol sýdy sonda jiberip jatyrmyz. Úlken Taldykóldiń kólemin bes ese kóbeıtemiz. Oǵan 1,5-2 jyl kerek bolady. Kelesi jyldyń sońyna deıin ony qalpyna keltiremiz dep josparlap otyrmyz. Kishi Taldykólde birneshe kishi kólder bolatyn. Bizdiń josparymyz boıynsha, 3, 7 jáne 9 ýchastok boıynsha jumystar atqaramyz jáne ol saqtalyp qalatyn bolady. Al siz aıtqan saıabaq burynǵy 5 ýchastokta bolýy kerek edi, biraq onyń jobasy qazir daıyn emes. Daıyndalyp jatyr. Biraq ony qalanyń turǵyndarymen aqyldasý kerek. Ol jerde tal óse me, óspeı me degen másele bar. Sondyqtan ekologtarmen osy másele boıynsha kelissóz ótkizip jatyrmyz. Biraq ol jerde jańa qurylys bolmaıdy. Salynǵan úıde adamdar turady, olarǵa eshteńe isteı almaımyz», – dedi ákim.

Astananyń burynǵy ákimi Altaı Kólginov Taldykól sýyn qurǵatyp, úı salýǵa ruqsat berip edi. Kólginov qurǵatqan kóldi qazirgi ákim aıdynǵa aınaldyrsam deıdi. Alaıda qalada sý máselesi jalǵyz Taldykólmen shektelip qalmaıtynyn túsingen sheneýnik keshendi sharalarǵa da muryndyq bolar edi.

 

Serik Joldasbekov

«Adyrna» ulttyq portaly

Pikirler