8 säuırde ötken qoǧamdyq keŋes otyrysynda Almaty äkımı Bauyrjan Baibek "sarapşylar pıkırın qarap, jaŋa oryn ızdep, jobany damyta tüsu üşın" "Kökjailau" kurortynyŋ qūrylysyn keiınge şegerudı ūsyndy. Būl turaly qazaqstandyq BAQ jazdy.
"Asyǧudyŋ qajetı joq dep oilaimyn. Sarapşylar pıkırınıŋ bärın eskerıp, jaŋa oryndar qarastyruymyz kerek. ["Kökjailau"] jobasyn damytyp, keiınge qaldyrudy ūsynamyn. Onyŋ üstıne, mamandardyŋ pıkırınşe, endıgı bar kurorttardy damytuǧa az degende üş-bes jyl kerek. Osy uaqyt ışınde täjıribe jinap, maman daiyndap, tūrǧyndar men kurort qonaqtarynyŋ pıkırın zerdeleimız. Osyndan soŋ ǧana "Kökjailau" tau şaŋǧy kurortynyŋ qūrylysyna kırıse alamyz" deidı Bauyrjan Baibek.
Biyl küzde Almaty qalasy äkımdıgı bastapqy jobany qaita qarap, yqtimal qūrylys aumaǧyn 14 ese qysqartqan. Bıraq qoǧam ökılderı bilık josparymen älı de kelıspeidı. Olardyŋ aituynşa, qonaqüi, kafe, infraqūrylym nysandaryn salu taudyŋ ekologiialyq jüiesıne ülken ziian keltırmek.
Oqi otyryŋyz: Kökjailaudy qorǧauǧa arnalǧan Kok-Jaılıaý basqosý şarasy bastaldy
Almatyǧa jaqyn "Medeu" mūz aidynynan tört kilometr qaşyqtyqta ornalasqan şatqalǧa kurort salu jobasy 2002 jyly köterılgen. Almaty bilıgı onyŋ tau ekojüiesıne ziian keltırmeitının aitady. Qalalyq äkımdıktıŋ pıkırınşe, joba turizmdı damytu üşın öte maŋyzdy.
Kökjailauǧa kurort saluǧa qarsy qoǧamdyq ekologtardyŋ şaǧymy boiynşa sotta bes ıs qaraldy. Prokuraturaǧa jiyrmadan astam aryz tüstı.
2017 jyly Orhus konvensiiasyn saqtau mäselelerı jönındegı komitet Qazaqstannyŋ jobany talqylauǧa qoǧam ökılderın qatystyru ısınde Konvensiia talaptary men jergılıktı zaŋnamany saqtamaǧan dep tapqan.
"Azattyq" radiosy
