Eks-prezıdent Nursultan Nazarbaevtyń keńsesin ustaýǵa shamamen 4 mıllıard teńge suraldy, dep habarlaıdy "Adyrna" tilshisi.
«Negizdeme – shyǵystar kitaphananyń, jeke muraǵattyń jáne Qazaqstan Respýblıkasy Tuńǵysh Prezıdentiniń murajaıynyń jumys isteýine baǵyttalǵan; 2024 – 1 195 450 000 teńge, 2025 – 1 328 275 000 teńge, 2026 – 1 338 684 000 teńge», — delingen «Ashyq bıýdjetter» saıtynda.
Memlekettik bıýdjettik baǵdarlamalar saıtynda Nazarbaev kitaphanasyn qarjylandyrý jobasy talqylanýda. Osy maqsatta Tuńǵysh Prezıdenttiń jeke kitaphanasynyń, muraǵatynyń jáne murajaıynyń jumysyn uıymdastyrý, onyń Qazaqstan Respýblıkasynyń qalyptasý jáne damý tarıhyndaǵy róli, sondaı-aq onyń shyǵarmashylyǵyn aqparattyq jáne ımıdjdik nasıhattaý, kreatıvti ıdeıalar men bastamalar kórsetilgen.
Osylaısha, Nazarbaevtyń keńsesiniń 100% jumys isteýin qamtamasyz etý shamamen 4 mlrd. teńge qarajat josparlanǵan.
Málimetterge sáıkes, 2022 jylǵa 962 973 000 teńge jumsaldy, aǵymdaǵy jyldyń jospary 958 196 000 teńge.
Joba 19 maýsymda jarııalandy, qoǵamdyq talqylaý 3 shildede aıaqtaldy. 5 shildede ashyq daýys berý qorytyndysy boıynsha esep shyǵady dep kútilýde.
Buǵan deıin, Nazarbaevtyń keńsesin («kitaphana») úsh jyl boıy qarjylandyrýǵa 5,6 mlrd teńge jumsalǵany aıtyldy. Sondaı-aq, Nazarbaevtyń keńsesi kólik qyzmetine 65 mln teńge memleket qarajatyn jumsamaq.
Artynsha naýryz aıynda bılik kitaphanadan memlekettik qarjylandyrýdy qysqartý múmkindigin qarastyrýǵa ýáde berdi.
Maýsym aıynda qarjy mınıstri bılik Nazarbaevtyń keńsesin qarjylandyrýdy toqtatqysy keletinin aıtty.
"Adyrna" ulttyq portaly
