Reseilık änşı Grigorii Lepstıŋ konsertterı Özbekstan men Qyrǧyzstanda da ötpeitın boldy. Barlyq daiyndyq Qazaqstannyŋ qarsylyǧynan keiın toqtatyldy, dep habarlaidy "Adyrna" ūlttyq portaly.
Reseidıŋ basqynşylyq äreketın aşyq qoldaityn änşı Lepstıŋ önerın tamaşalaudan Özbekstan halqy da bas tartty. 23 qazan künıne josparlanǧan konsertke halyq jappai qarsy şyǧyp, äleumettık jelılerde arnaiy nauqan ūiymdastyrdy.
Esterıŋızge sala keteiık, būǧan būryn özbekstandyq bloger Mirzo Zimnii özınıŋ Telegram-arnasynda #lepskerakmas (#LepsNeNujen) heştegın jazyp, qoǧamdyq sılkınıs tudyrǧan bolatyn.
Osy jazbadan keiın Grigorii Lepstıŋ konserttık habarlandyruy Ticket.uz saittynan alynyp tastaldy.
Mūndai "Orta Aziialyq" nauqanǧa qyrǧyzstandyqtar da qosyldy. Şolpan Ata oiyn-sauyq oryndarynyŋ bırınde öner körsetudı josparlaǧan Lepstıŋ būl mekende de degenı bolmady. Myŋdaǧan terıs pıkırlerge bailanysty konserttı ūiymdastyruşylar plakattardy alyp tastap, Lepstıŋ öner körsetpeitındıgın rastady.
Esterıŋızge sala keteiık, Grigorii Leps şılde aiynda Qazaqstannyŋ Qonaev qalasynda öner körsetuı kerek edı. Būǧan qatysty qoǧam belsendıgı Arman Şoraev bas köterıp, Grigorii Leps keşınıŋ şyrqyn būzǧanǧa öz qaltasynan bır million teŋge töleitının mälımdedı. Keiınırek ukrainalyq oryndauşylar chellendjge qosyldy. Mysaly, Olga Poliakova özınıŋ Instagram paraqşasynda Grigorii Lepstıŋ betıne tükırgen azamat üşın myŋ ne 2 myŋ dollar ūsynatynyn habarlady.
Nätijesınde, Qonaevta reseilık ärtıstıŋ konsertı toqtatyldy. Mūndai qadamdardan keiın Lepstıŋ ūjymy Qazaqstan halqyn küstänalap, direktory Qazaqstandy "dostyqqa jūǧymsyz el" dep aiyptady.
"Adyrna" ūlttyq portaly
Ūqsas jaŋalyqtar
grigorii leps
qazaqstan konsenrt
özbekstan konsert
Şolpan Ata oiyn-sauyq oryndar
Mirzo Zimnii
qonaev konsert
