"Täuelsızdık degen tättı ūǧym" dep tättılep söileimız ǧoi. Bıraq sol baqyt qalai keldı bızge? Nūrsūltan Nazarbaev alyp berdı me? Joq älde qandy küres jürgızıp jürıp özımız aldyq pa? Qūdai-au, sonau 91-de üiımızge kelıp tūrǧan qūtty qonaqty esıgımızden syǧalatyp qoiǧan kım edı? Bosaǧadan attauǧa batyly barmai bıraz kıdırıŋkırep, aqyry şydamy bıtken Täuelsızdıgımız esıgımızdı aiqara aşyp özı kırıp kelıp edı ǧoi, estiiar aǧaiyn, esterıŋızde me?
Bız Täuelsızdıktı ıştei aŋsadyq, bıraq ony ızdegemız joq. Bız ony emes, ol bızdı özı ızdep tapty...
Qytaidaǧy aǧaiynnyŋ bır äŋgımesı eske tüstı. 91-de "KSRO qūlady" degen xabardy estıgen boida arǧy bettıŋ qazaqtary künde bır restoranǧa jiylyp, jabylyp radio tyŋdaidy eken. Tarixi Otanymyz - Qazaqstan jeke el bolǧanyn xabarlasa - juamyz dep şölmekterın kötere barady eken taǧy. Söitse, KSRO-nyŋ qūramynan ana el şyqty, myna el şyqty dep xabarlanyp jatady. Bızdıŋ jaqtan aqjoltai xabardy äne kütedı, mıne kütedı. Jaz ötıp, küz keledı. "Mynalarǧa ne bolǧan" dep alaŋdai bastaidy. Söitıp jyl soŋy jaqyndaǧanda baryp, zaryǧyp kütken xabarlaryn estıp, sary maidai saqtaǧan şölmekterın ışıp, "oi bauyrymdap" körısıp, ölgenşe ışıp mas bolyp, toq köŋılmen üilerıne qaitady.
Bızdegı bıreulerdıŋ kelıp tūrǧan baqtan ürkıp, qorqyp, keiınge şegerıp jürgenın alystaǧy aǧaiyn tügıl, özımız de bılgemız joq.
Mınekei, basymyzǧa qūt bolyp qonǧan Täuelsızdıkpen 30 jyl öte şyǧypty. Köŋılge medet bolatyny: territoriiamyz tūtas, memlekettık institutty qūrdyq, de-iure bolsa da Nazarbaev Prezidenttıkten kettı. Endı qandai el bolmaǧymyz - özımızge bailanysty. Otyz jyl otbasylyq häm biudjettık biznesmenderdı tairaŋdatyp qoidyq. Asyldarymyz atylsa, artyn ızdemedık. Azamattarymyzdyŋ qūqy janşylsa, bolyspadyq. Bıreu bas köterse, ol "bilıktıŋ adamy" dep senıspedık. Memlekettık BAQ-tyŋ ötırıgıne senıp, üide tyǧylyp "Datty" oqydyq. Tb
Otyz jylda "toidym" demegen jüienıŋ taǧaiyndaǧan adamyn sailaimyz ba? Joq älde şirek ǧasyr tamyr jaiǧan jemqorlyqty tamyrymen üzıp, qara baqyr sanap qalǧan xalyqtyŋ äleumettık axualyn köteretın, Adam degen atymyzdy özımızge şekpen jauyp qaitaryp berıp, azamattyq qūqymyzdy qadyr tūtatyn Tūlǧany taŋdaimyz ba?! Ol Adam kım bolmaq? Qazaqty kım ūşpaqqa şyǧara alady?
Bügın uaqytşa Prezident mındetın atqaruşy Toqaev myrza otandyq partiia basşylaryn şaqyryp alyp, keŋes ötkızdı. Ol partiialardyŋ "dekorativtı" ekenı ämbege aian. Endı sol dekorativtı partiia serkelerınen dekorativtı ümıtkerler tızımın qūra ma?
Bilık Prezidenttıkke ümıtker retınde Toqaevty ūsynatyny xaq. Al bilıktegı jıbı tüzu jıgıtter özın-özı ūsynuǧa därmenı jete me? Qoǧamnyŋ öz tūlǧasyn sailap, alǧa şyǧaruǧa pärmenı jete me? Keleşek taǧdyrymyzdy kımge senıp tapsyra alamyz? Taŋdau - sız ben bızdıŋ qolymyzda!
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz