Qasym-Jomart Toqaevtyŋ Jenevada qyzmet etkenı onyŋ prezident sailauyna qatysuyna kedergı emes. Būl turaly Qazaqstan ädılet vise-ministrı Natalia Panǧa sılteme jasaǧan basylymdar habarlady.
Pannyŋ sözınşe, Toqaev şetelde Qazaqstan tapsyrmasymen qyzmet babynda bolǧandyqtan, onyŋ sailauǧa qatysuyna bolady.
Tengrinews.kz aqparat agenttıgı mäjılıs töraǧasynyŋ orynbasary, deputat Gülmira İsimbaevanyŋ "Toqaev basqa diplomattar siiaqty zaŋ boiynşa sailauǧa qatysa alady. Sebebı (diplomattardyŋ) qyzmet babymen şetelde jüruı ıs-sapar sanalady. Şetelde qyzmet ettı dep eseptelmeidı. [Toqaevtyŋ sailauǧa qatysuyna] eşbır qūqyqtyq şekteu joq" degen sözın keltıredı.
Deputattyŋ sözınşe, "Nūr Otan" sailauǧa bır kandidat şyǧarady.
Qasym-Jomart Toqaev 2011-2013 jyldary BŪŪ-nyŋ Jenevadaǧy bölımşesınıŋ bas direktory bolǧan. Konstitusiia boiynşa, Qazaqstan prezidentı bolyp soŋǧy 15 jyl elde tūrǧan azamat qana sailana alady.
Qazaqstanda prezident sailauy biyl 9 mausymda ötedı.
9 säuırde, memlekettık arnalardan mälımdeme jasamas būryn, Toqaev Aqordada Nur Otan partiiasy töraǧasynyŋ bırınşı orynbasary Mäulen Äşımbaevty, "Aq jol" demokratiialyq partiiasynyŋ töraǧasy Azat Peruaşevtı, Qazaqstan kommunistık halyq partiiasy ortalyq komitetınıŋ hatşysy Aiqyn Qoŋyrovty, "Auyl" halyqtyq-demokratiialyq patriottyq partiiasynyŋ töraǧasy Äli Bektaevty qabyldaǧan.
"Azattyq" radiosy
