Jambyl oblysynyń aýmaǵynda "Avtomobıl" respýblıkalyq jedel-aldyn alý is-sharasy aıasynda mereke jáne demalys kúnderi keń aýqymdy jergilikti tekserý jumystary ótkizildi.
Is- sharanyń negizgi maqsaty -jol qaýipsizdigi profılaktıkasy boıynsha jumysty jandandyrý, jol qozǵalysy erejelerin buzýshylyqtardyń, onyń ishinde qoǵamdyq kólik júrgizýshileri tarapynan buzýdyń jolyn kesý, kólik quraldarynyń joldaǵy qozǵalys tártibin arttyrý jáne jol qozǵalysy erejeleriniń saqtalýyn baqylaý.
Is-sharaǵa 500-den astam polıııa qyzmetkeri jáne 155 qyzmettik kólik quraly jumyldyryldy. Polıııa qyzmetkerleri jol qozǵalysyn baqylaýdy kúsheıtti. Oblystyq patrýldik polıııa batalonynyń qyzmetkerleri de respýblıkalyq mańyzy bar avtojoldarda reıdtik tekserý jumystaryn júrgizdi. Jol erejelerin buzǵan júrgizýshilerdi anyqtaýǵa "Dron" ushý apparatynyń kómegi tıdi. Drondardyń maqsaty jol qozǵalysy erejeleriniń óreskel buzylýyna, kóbine qarsy qozǵalys jolaǵyna shyǵý derekterin anyqtaýǵa baǵyttalǵan .
Óńirdegi aýmaqtarda júrgizilgen jumys nátıjesinde úsh táýlik ishinde 2540 ákimshilik quqyq buzýshylyq deregi anyqtaldy.
Máselen, 77 júrgizýshi kólik basqarýda belgilengen qozǵalys jyldamdyǵyn asyrǵan. Bul rette 589 júrgizýshi qaýipsizdik beldigin taqpaǵan, al 38 júrgizýshi tıisti qujattarsyz kólik quralyn basqarǵan. Sonymen qatar, joldy belgilenbegen orynnan kesip ótken 239 jaıaý júrginshi anyqtaldy.
Patrýldik polıııa batalonynyń qyzmetkerleri jol qozǵalysy erejelerin óreskel buzý derekteriniń jolyn kesti, onyń ishinde mas kúıinde kólik quralyn basqarýdyń 14 deregi anyqtaldy.
- Bul is-shara júrgizýshiler men jaıaý júrginshilerdiń joldaǵy qozǵalys tártibin saqtamaıtyndyǵyn taǵy da kórsetti, al onyń saldary jol-kólik oqıǵalary týyndaýynyń negizgi faktory bolyp tabylady. Úzdiksiz júrgizilip jatqan aýqymdy aldyn alý jáne aqparattyq- túsindirý jumystaryna qaramastan, azamattar belgilengen ereje talaptaryn buzýdy jalǵastyrýda. Azamattarymyz joldaǵy jaýapkershiliktiń mańyzdylyǵyn jáne jol erejelerin saqtaý qajettiligin barynsha túsinýi kerek. Osy nemese basqa da quqyq buzýshylyq qandaı saldarǵa ákelýi múmkin ekenin eshqashan boljaýǵa bolmaıdy. Oılanbaı jasalǵan árekettiń saldary óte aýyr bolýy múmkin, - dep atap kórsetti Jambyl oblysynyń Polıııa departamenti Jergilikti polıııa qyzmeti basqarmasy bastyǵynyń mindetin atqarýshy polıııa podpolkovnıgi Manas Ábdikárimov.
