Jambyl oblysynda bıyl 20 densaýlyq saqtaý nysany salynady

1069
Adyrna.kz Telegram

Jambyl oblysyna jumys sapary aıasynda QR Premer-Mınıstri Álıhan Smaıylov Taraz qalasynyń sarqyndy sýlardy súzý alańdarynyń jaı-kúıimen jáne jańa káriz-tazartý qurylystaryn (KTQ) salýǵa daıyndyq barysymen tanysyp, sondaı-aq jańa oblystyq kópsalaly onkologııa jáne hırýrgııa ortalyǵynda boldy.

Tarazda sarqyndy sýlardy súzý alańdary 1962 jyly salynǵan jáne búginde ábden tozyǵy jetken. Olardyń jobalyq qýaty – táýligine 43 myń m3, is júzinde onda kún saıyn shamamen 70-80 myń m3 sarqyndy sý jınalady. Máseleni sheshý úshin ákimdik jańa káriz-tazartý qurylystaryn iske qosý jobasyn ázirlep bastady. Qazirgi ýaqytta qajetti tehnıkalyq qujattama daıyndalyp jatyr, qurylysty 2025 jyly bastaý josparlanyp otyr.

Premer-Mınıstr Tarazda ónerkásip nysandarynyń kóbeıip, halyq sany artyp kele jatqanyn, alaıda qalada áli kúnge sheshimin tappaǵan kommýnaldyq máseleler bar ekenin atap ótti.

-Qalada tazartý qondyrǵylary joq. Bul ózender men jer asty sýlarynyń lastanýyna ákelip soqtyratyn úlken problemaǵa aınalady. Ákimdik josparly qýattylyǵy táýligine 100 myń tekshe metr bolatyn jańa tazartý qondyrǵylary boıynsha tıisti jumystar júrgizip jatyr. Jobany júzege asyrýǵa tezdetip kirisý kerek, — dedi Álıhan Smaıylov.

Sondaı-aq ol «Qazfosfat» JShS polıgony men qaldyqtardyń jınalýyna qatysty túıtkildi máselelerdi sheshý qajettigin aıtty.

200 oryndyq jańa onkologııalyq dıspanserde Premer-Mınıstrge zamanaýı sáýlelik terapııasyna arnalǵan Elekta Versa HD medıınalyq apparaty ornatylǵany baıandaldy. Apparat dáldiligimen erekeshelenedi. Dárigerlerdiń aıtýynsha, ol kez kelgen lokalızaııanyń jáne kez kelgen konfıgýraııanyń isikterin emdeýge múmkindik beredi.

Budan bólek, ortalyq basqa da zamanaýı qurylǵylarmen, onyń ishinde kompıýterlik tomografııa, magnıtti-rezonanstyq tomografııa, ıfrlyq mammografııa, rentgen apparaty, ýltradybystyq apparat jáne t. b. jabdyqtalǵan.

Álıhan Smaıylov óńirde zamanaýı onkologııalyq ortalyqtyń ashylýy óte qajetti ári durys qadam bolǵanyn, bul onkologııalyq aýrýlarǵa erte dıagnostıka júrgizýge jáne olardy ýaqytyly emdeýdi qamtamasyz etýge múmkindik beretinin basa aıtty.

- Óńirde perınataldyq ortalyq pen jańa aýdandyq aýrýhanalarǵa jáne feldsherlik-akýsherlik pýnktterge de qosymsha qajettilik bar. Densaýlyq saqtaý mınıstrligi ákimdikpen birlesip, olardy salý máselesin, onyń ishinde Ulttyq jobany iske asyrý sheńberinde pysyqtaýy tıis, — dedi ol.

Jedel, joǵary tehnologııaly medıınalyq kómek kórsetý maqsatynda úsh aýdanda ortalyq aýrýhanalar salý, taǵy úsh aýdandaǵy ortalyq aýrýhanalardy kópbeıindi aýdanaralyq aýrýhanalar etip jańǵyrtý josparlanýda.

Bıyl oblysta 20 densaýlyq saqtaý nysanyn salý josparlanyp otyr, onyń 10-y «Aýyldyq densaýlyq saqtaýdy jańǵyrtý» jobasy aıasynda júzege aspaq. Oblys boıynsha medıınalyq tehnıkamen qamtamasyz etý 92,45 paıyzdy quraıdy. Bes densaýlyq saqtaý nysanynyń bazasynda alǵashqy medıınalyq kómek kórsetý boıynsha ozyq tájirıbe ortalyqtary ashyldy. Qazaqstan Respýblıkasy Densaýlyq saqtaý mınıstrliginiń buıryǵymen bul joba Respýblıka boıynsha keńeıip jatyr.

Pikirler