Belgılı qazaqstandyq boksşy Beibıt Şümenov elordadaǧy sauda ortalyǧynda bolǧan jaǧdai turaly tüsınıkteme berdı, dep habarlaidy «Adyrna» tılşısı.
Töbeles videosy jariialanǧan Egovpress telegram arnasynyŋ mälımetınşe Şümenovtıŋ qolynda balasy bar adamdy ūrǧan oqiǧasy 18 mausymda bolǧan. Alaida būl oqiǧa turaly BAQ endı ǧana mälımet taratyp, jelıde de adamdardyŋ özara aitysyp, reaksiia tudyruyna sebep bolǧan.
«Menıŋ 8 jastaǧy ūlym oiyn alaŋynda oinap jürgen bolatyn. Sol kezde basqa bala sebepsız onyŋ arqasynan ūra bastady. Balam būl balanyŋ ıs-äreketın tüsınbei, odan alystap, ärı qarai oiynyn jalǧastyrady. Bırneşe minuttan keiın älgı bala qaityp kelıp, menıŋ ūlyma taǧy da şabuyl jasamaq bolady. Sodan soŋ er adam balasyn alyp kettı. Menıŋ ūlym mūndai qarym-qatynasqa üirenbegen. Būl oǧan ülken stress boldy. Balam maǧan kelıp, beitanys balanyŋ ūrǧan jerlerın körsete bastady. Arqasy jyrylǧan, qyzaryp ketıptı. Sodan soŋ men balanyŋ äkesıne baryp «Menıŋ ūlymdy ūrǧan senıŋ balaŋ ba?»- dep sūradym. Ol saualyma «İä. Ne ıstei alasyŋ?»- dep agressiiamen jauap berdı. Onyŋ jauabyna taŋǧaldym. Moinynan ūstap «Qalai-qalai söilep tūrsyŋ?»-dep sūradym. Ol sol qolymen stoldaǧy zattardy alyp, şabuyldai bastady. Keiın qolyndaǧy zattyŋ pyşaq emestıgın bılgen soŋ, balasyn tastap, oŋ qolymen pyşaqty alyp, maǧan jūmsap ülgerdı»,—dedı sportşy.Beibıt Şümenov er adamnyŋ öz balasyn qalqan retınde paidalanǧanyn atap öttı.
«Sızder balamen tūrǧan erkektı aiap jatyrsyzdar. Al onyŋ balasyn qalqan retınde qoldanyp tūrǧanyn oilamadyŋyzdar ma? Men käsıbi boksşymyn, soqqylarymdy qaida jūmsau kerektıgın bılemın. Balany ūrǧan joqpyn. Sodan soŋ bız Esıl audandyq polisiia bölımşesıne keldık. Balalardyŋ anasy menen de, jūbaiymnan da keşırım sūrady. Anasy ūly autizmmen auyrǧandyqtan basqalardy sebepsız ūryp-tebuı mümkın eken ekenın aitty. Ūldyŋ anasy osylai aitqanda men olardy qatty aiadym. Balalardy qatty jaqsy köremın, sondyqtan sabyr tılep, ūlynyŋ aiyǧyp ketuıne tılektestık bıldırdım. Bärımız jyly qoştastyq»,—dedı ol.Aituynşa, er adam asa zardap şekken joq.
«Sot saraptamasy onyŋ dene jaraqattarynyŋ saldarynan densaulyǧyna jeŋıl de, ortaşa da ziian timegenın anyqtady. Er adamnyŋ qolynda bolǧan baladan keşırım sūraǧym keledı jäne bala osy jaǧymsyz körınıstıŋ kuäsı bolǧanyna ökınemın. Qazırgı uaqytta janjal tolyǧymen aiaqtaldy. Men piarǧa qyzyqpaimyn jäne las intrigalarǧa qatysqym kelmeidı»,– dedı boksşy.
