Ortalyq sailau komissiiasy prezidenttıkke kandidattardy respublikalyq qoǧamdyq bırlestıkter ūsynatynyn aitty
Ortalyq sailau komissiiasynyŋ müşesı Zäureş Baimoldina diplomatiialyq qyzmetke bailanysty qazır Qazaqstanda tūrmaityn elşı İmanǧali Tasmaǧambetov sailauǧa tüse ala ma degen saualǧa jauap berdı, dep habarlaidy Sputnik Qazaqstan tılşısı.
BAQ ökılderı Zäureş Baimoldinadan Qazaqstannyŋ Reseidegı elşısı İmanǧali Tasmaǧambetov kezekten tys prezident sailauyna qatysa ala ma dep sūrady.
Elşılerdıŋ sailauǧa tüsuge qūqyǧy bar ma degen saualǧa bylai dep jauap berdı.
"Bırınşıden, elşı saiasi memlekettık qyzmetşı bolyp sanalady. Eger ol kandidat barlyq talapqa säikes kelse, iaǧni jasy qyryqtan asqan, tumysynan Qazaqstan azamaty, memlekettık qyzmette 5 jyldan kem emes jūmys täjıribesı bar, sottylyǧy joq, jemqorlyq qylmysyn jasamaǧan, osynyŋ bärı eskerıledı", - dedı Baimoldina.
OSK müşesı būǧan deiıngı prezident sailauynda diplomatiialyq qyzmetker bolǧan Ǧani Qasymovtyŋ kandidat bolǧanyn atap öttı.
"Kandidattyŋ qūjattaryn körmei jatyp, naqty jauap bere almaimyn. Ortalyq sailau komissiiasy alqalyq jiynda ümıtkerdıŋ talaptarǧa säikestıgın qarap, şeşım şyǧarady", - dedı ol.
"Eger respublikalyq qoǧamdyq bırlestık onyŋ kandidaturasyn ūsynsa, qūjattaryn qaraityn bolamyz", - dedı ol OSK otyrysynan keiın.
Ol Konstitusiia boiynşa Qazaqstannyŋ är azamaty sailauǧa qatysuǧa nemese dauys beruge qūqyly ekenın atap öttı."Prezidenttıkke kandidattardy ūsynu qūqyǧy respublikalyq qoǧamdyq bırlestıkterge tiesılı. Olar kımdı ūsynatynyn özderı şeşedı. Ümıtkerlerdı ūsynu 28 säuır saǧat 18:00-ge deiın jalǧasady. Ortalyq sailau komissiiasy bes kün ışınde ümıtkerdıŋ Qazaqstan zaŋnamasynda körsetılgen talaptarǧa säikestıgın anyqtaidy", - deidı ol.
