Bügın Şymkent qalasynyŋ qalalyq orta sapasy jäne baqylau basqarmasy basşysynyŋ orynbasary Bauyrjan Aimaǧambetov şahardaǧy zaŋsyz avtojuu nysandary boiynşa baspasöz brifingın ötkızdı.
Bauyrjan İliasūlynyŋ aituynşa, basqarma tarapynan 36 avtokölık juu iesıne qatysty äkımşılık qūqyq būzuşylyq turaly hattama toltyrylǧan.
—Şaharda qūrylysty jobalyq qūjattamasyz salu, avtorlyq jäne tehnikalyq qadaǧalauşylarsyz jürgızgen avtokölık juu oryndarynyŋ ielerıne qatysty bırqatar zaŋsyzdyqtar anyqtalǧan.
2022 jyldan berı basqarma tarapynan sot organdaryna 14 talap-aryz jıberılse, qazırgı uaqytta mäjbürlep būzu turaly 8 talap-aryz sot şeşımımen qanaǧattandyrylǧan.
Al 5 avtojuu iesı äkımşılık jauapkerşılıkke tartylǧanǧa deiın qūrylys nysandaryn öz erkımen būzdy, - dedı B. Aimaǧambetov.
Şymkent qalasynyŋ audan aumaqtarynda zaŋsyz ornalasqan käsıpkerlık nysandardyŋ ielerıne tüsındıru jūmystary boiynşa şaharda jūmys toby qūrylǧan edı. Tiıstı basqarmalar öz qūzıretı şegınde jūmys jürgızude.
Basqarma basşysynyŋ orynbasary qūrylys saluşylardy qūrylys prosesıne qoiylatyn barlyq talaptardy saqtauǧa şaqyrady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz