Şymkentte suretşılerge arnalǧan art-keŋıstık aşyldy

Şymkentte 19 mausym – Qala künıne orai, Ortalyq saiabaqta art-keŋıstıgı aşyldy. Nysan suret salu önerınen syr şertıp, qala tūrǧyndary arasynda şaǧyrmaşylyq klasterınıŋ damuyna yqpal etedı. Arnaiy keŋıstıktıŋ jūmysymen tanysqan qala äkımı Mūrat Äitenov mūndai oryndar qalaǧa asa qajet ekenın aitty. –Suretşıler öz tuyndysyn osy art-keŋıstıgı arqyly qala tūrǧyndaryna ūsyna alady. Būl qoǧamdyq oryndardy jaŋǧyrtu men qala tūrǧyndaryna qolaily orta qalyptastyrudyŋ bır türı. Bügıngı galereia tek bastamasy ǧana. Bız aldaǧy uaqytta ülken ortalyq aşu üşın joba jasap jatyrmyz. Onda suretşıler men qolöner şeberlerı bır ortalyqqa ūiysyp, ūlttyq önerımızdıŋ jaŋǧyruyna, öskeleŋ ūrpaqqa ūlttyq önerımızdı därıpteuge qyzmet etetın orynǧa ainalady, - dedı qala äkımı. Şabyt pen jaŋa mümkındıkterge jol aşatyn art-keŋıstıkte suretşılerdıŋ jaŋa tuyndylary qoiylǧan. Qylqalam şeberlerı arnaiy keŋıstıktıŋ aşyluy Qazaqstan Suretşıler Odaǧynyŋ 90 jyldyǧyna tūspa-tūs kelgenıne quanyşty. –Bügın qala äkımdıgı saiabaq janynan art-keŋıstıgın jasaqtap, şymkenttık suretşılerge syiǧa tartyp otyr. Mūndai mereilı sät Qazaqstan Suretşıler odaǧynyŋ 90 jyldyq mereitoiymen qatar kelgenıne öte quanyştymyz. Jalpy, qalamyzda 5 jyl aldyn 20 suretşı bolsa, bügınde olardyŋ sany 30-ǧa jetıptı. Qylqalam şeberlerı osy orynǧa kelıp, halyqqa öz tuyndylaryn tanystyruǧa jäne satuyna bolady. Bügın taŋnan berı saiabaqqa keluşıler suretterdı tamaşalap, suretşılerge qyzyqtyrǧan sūraǧyn qoiyp, jyly sūhbat qūruda. Tūrǧyndardyŋ önerımızge degen qyzyǧuşylyǧy qatty taŋqaldyrdy. Art-keŋıstık suretşılerdı halyqqa bır taban jaqyndatty, - dedı Qazaqstan Suretşıler odaǧynyŋ Şymkent qalalyq filialynyŋ töraǧasy Äbdımütälıp Ahmetov. Art-keŋıstıkke jas daryndylardyŋ önerı de qoiylǧan. Bügıngı aşylu saltanatynda öz tuyndysyn ūsynǧan 12 jastaǧy Adelia Şymkenttıŋ körıktı jerlerın qylqalamy arqyly surettegen. – Şymkenttıŋ körıktı jerlerın, äsem tabiǧatyn surettegendı ūnatamyn. Bügıngı körmede «Dendrosaiabaq» atty öz tuyndymdy ūsyndym. Aldaǧy künderı özge tuyndylarymdy osy körmege qoiudy josparlap otyrmyn, - deidı jas suretşı. Art-keŋıstıkte jas suretşılerge şeberlık sabaqtary da ūiymdastyrylmaq. Sondai-aq, būl oryn qalamyzdaǧy jaŋa talanttardy aşyp, ärbır suretşınıŋ özın tanyta alatyn tamaşa orynǧa ainalady. Körme barlyǧyna aşyq!