Jalpy bız es bılgelı jyndardyŋ atasy Ibılıs ekenın estıp, bılıp, östık. Eşbır imam ne auyl moldasy mynau videodaǧydai Jaaan degen jynnyŋ atasy dep üiretpegen edı. Osy bızde dıni ideologiia dūrys emes nemese imamdar dūrys jetkıze almaidy. Mynau ne aityp otyr özı? Şynynda dıni basqarmaǧa qarasty dın ökılı ma , älde aparǧan firmanyŋ jaldamaly moldasy ma? Qazaq halqy özınıŋ janyna jaqyn adamyn janym dep aitqan. Iаǧni janym sözı bızder üşın eŋ qasterlı söz. Janym ana, janym äke, jan-jarym, jan bauyrym, degen qasterlı de qasiettı sözderden qūralǧan öleŋder, änder, tıptı «Janym» degen kinofilmde bar. Sonyŋ barlyǧyn terıske şyǧaryp otyr ma mynau? Sonda osy uaqytqa deiın aitylyp kelgen, „Janym ana” „jan-jarym” degen t.b sözder jyndardyŋ atasymen bailanysty bolǧany ma? Tıptı ūialy telefonyna jaqyn adamyn osylai saqtap qoiǧandar köp ǧoi. Jūbaiyn jaqyn adamyn osy sözben erkeletıp jürgen, dıni sauaty az qanşama adamdar, mynau videodan keiın «Ei, senge» nemese atyn atap şaqyruǧa köşpesıne kım kepıl? Aitqan sözıne jauap bersın.
Janym sözı ---syilastyqtyŋ, qūrmettıŋ, ıltipattyŋ belgısı.
Mysaly men üşın „janym” sözı jüregıme jūmsaq tise , qūlaǧyma jaǧymdy estıledı. Al, Öktem Altaevtyŋ „Janym bır körıp ǧaşyq boldym saǧan” degen öleŋ joldary, Jynnyŋ atasyn bır körıp ǧaşyq boldym saǧan bolǧany ma ? Ne sandyraq būl? Osy qajylyqqa aparatyn tur firmalardyŋ mynau videodaǧydai dın ökılın kımder ırıkteidı, Qazaqstan mūsylmandar dıni basqarmasy qadaǧalaidy ma? Jalpy kım jauapty? Älde toiǧa asaba jaldaǧan siiaqty qoly jetkenın alyp bara beredı ma?
Ştamp jasadyŋ ba, maǧynasyn dūrys ber, bolmasa ündeme. Qazaqqa keletın dünie bar, kelmeitın dünie bar. Uaǧyz aitatyn kezde osynyŋ barlyǧy eskerıluı tiıs. Onda bır imam şyqsyn da «Muka» sözı eşqandai ūn emes, ol qaiǧyru degen jaman söz desın. Jüreiık sosyn miymyz aşyp mukalap. Būlai ne bolsa sony aita beruge bolmaidy. Onyŋ üstıne asyl dınımız islam da barlyq sūraqtarǧa jauap tabylady. Halyqtyŋ miyn aşytpai, tıgısın jatqyzyp, jetkızu kerek. Izdengen imamǧa qazaqta jetkızetın ädemı sözder köp.
Bas salyp osyndai şoşytatyn äŋgıme aitudan ūtylmasaq ūtpaimyz. Būndai kelte maǧynasy bar uaǧyzdarǧa toqtau boluy kerek. Men üşın ūltymnyŋ bır-bırın janym dep qūrmettep jürgenı maŋyzdy.
Adamdardyŋ meiırımı, jyluy, azaiyp ajyrasular köbeiıp bara jatqan mynau zamanda, osy ändı jiı aityp beruge, tyŋdauǧa, keŋes beremın. Otbasyn saqtap qaluǧa, qarym-qatynasty nyǧaituǧa kömektesedı.
Janym, janym, janym, deşı.
Syzyltyp salǧan änım deşı,
Maǧan qarap külımdeşı sen.
[video width="226" height="400" mp4="https://adyrna.kz/content/uploads/2019/04/57461817_665922410512203_2438499147234410496_n.mp4"][/video]
Beibıt Qazybekov
