Memleket basşysy Sybailas jemqorlyqqa qarsy ıs-qimyl agenttıgınıŋ töraǧasy qabyldady, dep “Adyrna” Aqordaǧa sılteme jasap habarlaidy.
Bügın Prezident Qasym-Jomart Toqaev Sybailas jemqorlyqqa qarsy ıs-qimyl agenttıgınıŋ töraǧasyn Ashat Jūmaǧalidy qabyldap, baiandamasyn tyŋdady.
Baiandamadan:
- sybailas jemqorlyq täuekelderıne syrttan taldau jürgızu kezınde jerdı bölu jäne Almatynyŋ qala qūrylysyn damytu ısın josparlau barysynda jiı qaitalanatyn zaŋ būzuşylyqtarǧa jol berılgenı anyqtalǧan;
- bılım beru salasyndaǧy biudjettık ötınımderdı äzırleu tetıkterınıŋ jetıldırılmegenıne, qyzmetkerlerdı bır ortalyqtan esepke aludyŋ bolmauyna jäne qarjy jymqyruǧa äkep soqtyrǧan buhgalterlık jüielerdıŋ qazynaşylyqtaǧy derekter bazasymen bırıktırıluıne bailanysty täuekelder anyqtalǧan;
- käsıpkerlıktı damytuǧa kedergı keltıretın äkımşılık tosqauyldardy joiu üşın «Bizneske jol» jobasyn jüzege asyru ısı jalǧasatynyn, sonymen qatar būl bastama qolǧa alynǧan sätten berı 21 myŋ biznes subektısıne kömek körsetılıp,
400-den astam tüitkıldı keis şeşımın tapqan;
- biylǧy 6 aida 130 nysanǧa taldau jäne monitoring jürgızılgenı, jemqorlyqty joiuǧa qatysty 1000-nan astam ūsynys engızılgen;
- sotqa deiıngı aiaqtalǧan tergeu amaldarynyŋ nätijesı boiynşa 232,6 milliard teŋge ötelgen;
- 1,5 jylda biudjetke jäne kvazimemlekettık sektor subektılerıne şamamen 860 milliard teŋge kölemınde mülıktık aktivter men aqşalai qarajat qaitarylǧan.
Aǧymdaǧy jyldyŋ basynan berı elımızde 1000-ǧa juyq sybailas jemqorlyqqa qatysty qylmys tırkelıp, 700-den astam adam äşkerelengenı belgılı boldy. Onyŋ 98-ı türlı deŋgeidegı basşylardyŋ qylmysy.
Osy tūsta Qasym-Jomart Toqaev sybailas jemqorlyqqa qarsy jüielı jūmystardy jalǧastyru qajettıgın, äsırese äleumettık maŋyzy bar salalarǧa basa män berudı mındettedı. Sondai-aq aldyn alu şaralarynyŋ asa maŋyzdy ekenın aitty.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz