Astana men Taşkent arasyndaǧy dästürlı bäseke jaŋa kezeŋge köterıldı. Būl turaly saiasatker Daniiar Äşımbaev Telegram arnasynda jazdy, dep habarlaidy “Adyrna” ūlttyq portaly.
Onyŋ aituynşa, būǧan deiın Qonaev pen Raşidov, Nazarbaev pen Karimov (Qasym han men Mūhammed Şeibani bastaǧanyn bılesızder) jarysqa tüsken. Endı – Toqaev pen Mirzieev jarysuda.
Bız «Jaŋa Qazaqstandy» salyp jatyrmyz, olar «Jaŋa Özbekstandy» salyp jatyr. Bız konstitusiialyq reforma jürgızdık – olar konstitusiialyq reforma jürgızdı. Bız prezidenttı qaita sailadyq – olar da prezidenttı qaita sailady. Bızde qaŋtar oqiǧasy boldy, olarda Nökıs oqiǧasy boldy. Bız körşılerımızdı ainalyp ötetın jaŋa Jıbek jolyn salyp jatyrmyz, olar bızdı ainalyp ötetın Jıbek jolyn salyp jatyr. AQŞ Memlekettık hatşysy Qazaqstandy da, Özbekstandy da «Ortalyq Aziianyŋ köşbasşysy» dep atady. Resei Özbekstanda atom elektr stansiiasyn salǧaly jatyr – Almatyda Aleksandr Nevskiige eskertkış aşyldy.
Endı olardyŋ qorǧauşysy kım degen sūraq tuyndady. Mirziioev älemde islamofobiiamen küresuge şaqyrdy. Toqaev Europada Qūrannyŋ örtenuın qataŋ aiyptady. Dästür osyndai,- dep jazdy ol.
