Ýkraına prezıdenttigine kandıdat Petr Poroshenko men Vladımır Zelenskııdiń komandalary debatty 19 sáýirde ótkizýge kelisti. Bul týraly Poroshenko shtabynyń ókili Oleg Medvedev habarlady.
Onyń sózinshe, eki tarap qazir qaýipsizdik máseleleri men debattyń reglamentterin aqyldasyp jatyr. Medvedev "Poroshenko maǵynaly dıskýssııa bolǵanyn qalaıdy, al Zelenskıı debatty shoý formatynda ótkizgisi keledi" dedi.
- Saılaýdyń ekinshi kezeńine ótken soń Zelenskıı Poroshenkony debatqa shaqyrǵan. Poroshenko birden kelisim bergen. Debat 14 sáýirge belgilengen. Kıevtegi "Olımpııskıı" stadıony debat ótetin jer retinde tańdalǵan.
- 14 sáýirde Poroshenko debatqa kelgen. Biraq Zelenskıı "debatty óz maqsatyna paıdalanǵysy keletin kúshter bar" dep stadıonǵa kelmedi. Poroshenko stadıonǵa kelgen jaqtastarynyń aldynda sóz sóılep, jýrnalısterge suhbat bergen.
- 31 naýryzda Ýkraınadaǵy saılaýda Zelenskıı 30 paıyz, Porshenko 15 paıyz daýys jınap, ekinshi týrǵa ótken. Kıev halyqaralyq ınstıtýtynyń saýalnamasynyń nátıjesi boıynsha, ekinshi kezeńde saılaýshylardyń 72 paıyzy Zelenskııge daýys berýge daıyn.
- Saılaýdyń ekinshi kezeńi 21 sáýirde ótedi.
