Memlekettik bilim berý granttaryn taǵaıyndaý jónindegi respýblıkalyq komıssııa óz jumysyn aıaqtady. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy «Adyrna» tilshisi.
Bıyl bilim berý granttaryn taǵaıyndaý konkýrsyna qatysýǵa 94 myńnan astam ótinim berildi. Talapkerlerdiń basym bóliginiń tańdaýy «Pedagogıkalyq ǵylymdar», «Injenerlik, óńdeý jáne qurylys salalary» jáne «Aqparattyq-kommýnıkaııalyq tehnologııalar» baǵyttaryndaǵy mamandyqtarǵa túsken.
Konkýrstyq irikteýdiń qorytyndysy Ǵylym jáne joǵary bilim mınıstrliginiń ınternet resýrsynda, t.me/gylym_jogary_bilim telegram arnasynda jáne vedomstvonyń áleýmettik jelidegi resmı paraqshalarynda 10 tamyzǵa deıin jarııalanady.
Al joǵary oqý oryndaryna qujattardy qabyldaý 25 tamyzda aıaqtalady.
«Komıssııa quramyndaǵy bilikti de kásibı áleýeti joǵary túrli sala sarapshylary tabandy eńbek etip, aýqymdy jumys jasaı bildi. Osy rette aıta ketsek, bıylǵy komıssııa sapynda Qazaqstan Respýblıkasy Parlamentiniń depýtattary, memlekettik organdar men bilim salasy kásipodaqtarynyń jetekshileri jáne «Atameken» ulttyq kásipkerler palatasynyń, joǵarǵy oqý oryndary qaýymdastyǵynyń, qoǵamdyq uıymdardyń ókilderi boldy.
Endi talapkerlerdiń UBT-da jınaǵan baldaryna jáne bekitilgen erejelerge sáıkes konkýrstyq negizde bilim berý granttary taǵaıyndalatyn bolady»,—dedi mınıstr.
