Qaraǧandy tehnikalyq universitetınıŋ studentterı jyl soŋyna deiın "70 igı ıs" jasaidy

1288
Adyrna.kz Telegram
https://adyrna.kz/content/uploads/2023/04/101c4098db9bddff97cd32e3616b03b6_1280x720.jpg

Äbılqas Saǧynov atyndaǧy Qaraǧandy tehnikalyq universitetınıŋ studentterı JOO-nyŋ 70 jyldyǧyna orai "70 igı ıs" aksiiasyn ötkızude.

"Jas Orda" jastar qauymdastyǧynyŋ belsendılerı osyǧan deiın de bırneşe igı ıs jasaǧan. Mäselen, "Mektepke jol" aksiiasyn qoldai otyryp, mūqtaj otbasylardan şyqqan balalarǧa mektep kiımderı men keŋse kerek-jaraqtarynyŋ 160 jiyntyǧyn satyp aluǧa kömektestı. Studenttık ūiymda ekı maŋyzdy baǧyt bar – JOO-da 18 jyldan astam jūmys ıstep kele jatqan "Aqniet" qaiyrymdylyq bırlestıgı jäne 2019 jyly qūrylǧan erıktıler ştaby.

– Bızdıŋ universitette studentter jüielı negızde erıktılıkpen ainalysady, – deidı universitettıŋ jastar saiasaty departamentınıŋ direktory Rustam Buziakov. – Jasordalyqtar balalar üilerı men qarttar üilerıne, az qamtylǧan otbasylar men ardagerlerge ärdaiym baryp tūrady. Būl rette eş şara syilyqtarsyz nemese azyq-tülık jiyntyqtarynsyz, sondai-aq studentterdıŋ oryndauyndaǧy konserttık nömırlersız aiaqtalmaidy. Bızdıŋ studentter qamqorlyǧyndaǧy är balany atalar men äjelerdı jaqsy bıledı. Al olar öz tarapynan jaŋalyqtarmen bölısu jäne jaǧymdy äserlerımen quantu üşın jastardyŋ keluın asyǧa kütedı.

Sondai-aq studentter auyr nauqastardy qoldau üşın bırqatar qaiyrymdylyq aksiialaryn ötkızdı. Qarajat jinau üşın futbol, voleibol turnirlerı, järmeŋkeler men konsertter,

sondai-aq qan tapsyru aksiialary ūiymdastyryldy.

Belsendıler ekologiialyq volonterlıkke köp köŋıl böledı: Būqpa özenınıŋ arnasyn, saiabaqtar men gülzarlardy tazalap, qalanyŋ jalǧyzbasty qart tūrǧyndarynyŋ aulalaryn qoqys pen qardan tazartty.

Universitet studentterınıŋ, oqytuşylarynyŋ jäne tülekterınıŋ jalpy küş-jıgerınıŋ arqasynda jaŋa jyl qarsaŋynda 300-den astam balanyŋ tılekterı oryndaldy.

Sonymen qatar, studentter bızdıŋ elde de, odan tys jerlerde de bolǧan tötenşe oqiǧalardan tys qalmady. Türkiia azamattaryna, Qostanai jäne Ekıbastūz tūrǧyndaryna ört jäne tabiǧi apattar saldarynan zardap şekkenderge kiım, azyq-tülık, därı-därmek jäne jeke gigiena qūraldaryn jinaudy ūiymdastyrdy.

A. Saǧynov atyndaǧy QarTU baspasöz qyzmetınıŋ mälımetı

"Adyrna" ūlttyq portaly

Pıkırler