Äleumettık jelıde Şuchinsk qalasynyŋ äkımı Oljas Nūrmaǧambetov janjaldy söilegen sözınıŋ videosy taraǧan bolatyn. Keiın ol balaǧat sözdı halyqtyŋ atyna emes, paraqşaǧa bailanysty aitqanyn jetkızdı. Būl turaly ol äleumettık jelıdegı paraqşasynda jazdy, habarlaidy “Adyrna” ūlttyq portaly.
2 tamyzda Oljas Nūrmaǧambetovtıŋ tıkelei efirı janjalǧa ūlasqan bolatyn. Äkım tıkelei efirdı aiaqtai salyp, ony öşırudı ūmytyp kettı. Al onyŋ efirden tys aitqan sözderın qala barşa qosylyp otyrǧan halyq estıdı.
Qatty synnan keiın Nūrmaǧambetov mūnyŋ barlyǧyn terıske şyǧardy. Ol efir kezınde jäne odan keiın "Şuchinsk qalasynyŋ atyna terıs ärı ūiatsyz mälımdemeler bolmaǧanyn" aitty. Al Burabai audany äkımdıgınde olar, tıptı, jinalǧandar tarapynan sūraq bolmaǧanyn mälımdedı.
Būl rette departament qala äkımıne qatysty qyzmettık tergeu bastalǧanyn atap öttı.
Oljas Nūrmaǧambetovtyŋ özı 6 tamyzda bolǧan janjaldy sözınıŋ tolyq videosyn Instagram jelısınde bölıstı.
Būl beinejazbada tūrǧyndardyŋ atyna ädepsız (ūiatsyz) jazylǧan bırde-bır söz joq. “... özınıŋ paraqşasyn bır jerıne tyǧyp qoisyn” degen sözder üşın keşırım sūraimyn. Mıne, efir osylai öttı, qūrmettı dostar, - dep jazdy äkım.
