Orman qorynyŋ uchaskesı memleket menşıgıne qaitaryldy, dep habarlaidy “Adyrna”.
Qūny 1,6 mlrd teŋge bolatyn orman qorynyŋ uchaskesı memleketke qaitarylǧany turaly Aqmola oblysy prokuraturasynyŋ baspasöz qyzmetı jariialady.
«Aqköl audanynyŋ prokuraturasy orman qorynyŋ jalpy audany 264 gektardy qūraityn rekreasiialyq, turistık jäne sporttyq maqsatta ūzaq merzımdı orman ornalastyruǧa berılgen uchaskesın qaitardy. Aqmola oblysynyŋ mamandandyrylǧan audanaralyq ekonomikalyq sotynyŋ şeşımımen ūzaq merzımdı orman ornalastyru şarty būzylyp, jalpy qūny 1,6 mlrd teŋgenı qūraityn
uchaske memleket menşıgıne qaitaryldy», - delıngen.
Alaŋ 2018 jyldan berı nysanaly maqsaty boiynşa paidalanylmaǧan bolyp şyqty. Sonymen qatar, jalǧa alu tölemı jürgızılmegenı de anyqtaldy.
«Orman örtterınıŋ şyǧu qaupı joǧary bolǧanymen, olardyŋ aldyn alu şaralary qabyldanbady, örtke qarsy josparlar äzırlenbegen», - dep atap öttı prokuratura.
Basqarmada tüsındırılgendei, joǧaryda körsetılgen män-jailar uäkılettı organnyŋ audan prokuraturasynyŋ aktısı boiynşa sotqa şaǧymdanuyna negız bolǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz