Osy jyldyŋ qaŋtar, aqpan, nauryz aiynda kredit alǧan bolsaŋyz, ony da kırıs dep esepteidı
Köp balaly analar prezident uäde etken 21 myŋ teŋgeden ümıttı. Alaida auyldaǧy kedeidıŋ balasy äkesı köleŋke bolsyn dep ekken aǧaştyŋ kesırınen järdemaqydan qaǧylyp jatyr, dep habarlady Euraziia bırınşı arnasy.
"Erejede barlyǧy jazylǧan. Mysaly būzaudy alatyn bolsaq, 1-2 jasqa deiın esepke alynbaidy. Jaŋa egılgen aǧaştar da önım bergenşe eseptelmeidı", - dep tüsındırdı QR Eŋbek jäne halyqty äleumettık qorǧau ministrlıgınıŋ bas sarapşysy Ǧaliia Jabaǧina.
Būzau esepke alynbaǧanymen, mama siyr kırıs äkeluşı bolyp esepteledı. Eger bır jasqa deiıngı bala kütımıne bailanysty järdemaqy alyp otyrsaŋyz, ol otbasynyŋ tabysyna jatady. Mügedek balany baǧyp otyrǧanǧa berıletın järdemaqyny da kırıs dep eseptep qoiǧan. Osy jyldyŋ qaŋtar, aqpan, nauryz aiynda kredit alǧan bolsaŋyz, ony da kırıs dep esepteidı.
"Köp jaǧdaida kredittı paida köru üşın alady. Bıraq kredittıŋ barlyq somasy jiyntyq tabysqa jatpaidy. Soŋǧy üş aida tölenetın somaǧa ǧana esepteledı. Ol kısı osy aqşany alar būryn bankke töleuge qabılettı ekenın däleldeidı ǧoi", - deidı Ǧaliia Jabaǧina.
21 myŋǧa niettı bolsaŋyz, kredit bolmauy kerek. Sosyn ajyraspaŋyz. Küieuıŋnen aliment alasyŋ dep är balaŋyzǧa 21 myŋdy qimai qoiuy mümkın. Zeietker ata-äjeŋız bolsa, älgı atauly kömektı körmei ketuıŋız mümkın. Kırıs-şyǧystardy osylai esepke almaǧasyn talai kelınşek järdemaqydan qaǧylyp jatyr.
