«Qalamqas» ken ornynda burǵylaý kezinde oryn alǵan apatqa baılanysty qytaılyq «Sı Bý «Injenerlik burǵylaý kompanııasy» JShS-ǵa aıyppul salynyp, lıenzııasy ýaqytsha toqtatyldy. Bul týraly Energetıka mınıstrliginiń baspasóz qyzmeti habarlady.
«2018 jyldyń 3 naýryzy kúni saǵat 17:30-da Mańǵystaý oblysyndaǵy «Qalamqas» munaı-gaz ken ornynda «Sı Bý «IBK» (Aqtaý) JShS-nyń №8237 uńǵymany burǵylaýy kezinde apat oryn alǵan bolatyn. Osy fakti boıynsha Energetıka mınıstrliginiń Munaı-gaz keshenindegi memlekettik ınspekııasynyń batys óńiraralyq basqarmasy 2019 jyldyń 8-19 sáýiri aralyǵynda seriktestikke jospardan tys tekserý júrgizdi», - delingen mınıstrlik habarlamasynda.
Mınıstrliktiń aqparaty boıynsha, «Sı Bý «IBK» JShS qytaılyq kompanııasy munaı jáne tabıǵı gaz óndirý kezinde tehnıkalyq qoldaý kórsetýmen aınalysady.
Tekserý nátıjeleri seriktestiktiń birshama talaptardy oryndamaǵanyn anyqtaǵan. Atap aıtqanda, kómirsýtek salasyndaǵy qyzmetti júzege asyrý úshin qoıylatyn biliktilik talaptary men olarǵa sáıkestikti rastaıtyn qujattar tizbesine sáıkessizdigi, tehnologııalyq reglamentterdiń sáıkessizdigi, menshik quqyǵynda nemese ózge de zańdy negizde keıbir jabdyqtar men aspaptardyń bolýyn rastaıtyn qujattardyń bolmaýy, arnaıy qyzmetter qurý nemese jaýapty tulǵalardy taǵaıyndaý týraly buıryqtardyń bolmaýy, sondaı-aq zańdy jáne «ruqsattar jáne habarlamalar týraly» zań talaptarynyń oryndalmaýy belgili bolǵan.
«Ákimshilik isti qaraý nátıjeleri boıynsha 150 AEK mólsherinde ákimshilik aıyppul salyndy. Sondaı-aq, «IBK» SıBý» JShS-niń kómirsýtekter salasyndaǵy qyzmet túrlerine memlekettik lıenzııanyń qoldanylýy belgilengen buzýshylyqtar joıylǵanǵa deıin toqtatyldy», - delingen habarlamada.
Aıta keteıik, tótenshe jaǵdaı 13 naýryz kúni Mańǵystaý aýdanyndaǵy «MańǵystaýMunaıGaz» AQ-nyń «Qalamqas» munaı-gaz ken ornynda bolǵan edi. «Sı Bý» ınjenerlik burǵylaý kompanııasy» JShS №8237 uńǵymasyn burǵylaý barysynda gaz-sý qospasy atqylady.
Al 25 naýryz kúni saǵat 07:10-da Mańǵystaý oblystyq TJD kezekshi-dıspetcherlik qyzmetine «Qalamqas» ken ornyndaǵy uńǵymadan shyqqan gaz janyp, bıikti 10 metrge deıin jalyn atqylap turǵandyǵy habarlandy.
QR Prezıdenti Qasym-Jomart Toqaev ken ornyndaǵy jaǵdaıdy óz baqylaýyna alyp, Úkimetke tıisti tapsyrmalar júktegen bolatyn.
Órt 25 naýryz kúni sóndirildi.
"Adyrna" ulttyq portaly
