Qazaqstan prezidentıne ümıtker jäne qazırge memleket basşysy Qasym-Jomart Toqaev ortalyq sailau komissiiasynyŋ lingvistikalyq komissiiasyna qazaq tılınen emtihan tapsyrdy dep habarlaidy KAZ.NUR.KZ.
"Bügın lingvistikalyq komissiia öz jūmysyn bastap, bırınşı bolyp prezidenttıkke basty ümıtker, qazırgı uaqyttaǧy prezident Qasym-Jomart Toqaevtan emtihan aldyq", - dedı Qazaqstannyŋ prezidenttıgıne kandidattyŋ memlekettık tıldı erkın meŋgergenın anyqtaityn lingvistikalyq komissiia töraǧasy Myrzatai Joldasbekov.
Ol memleket basşysyna "Abai Qūnanbaiūlynyŋ poeziiasy. Qara sözderı" taqyryby tüskenın aitty.
"Bırınşı şyǧarma jazǧanda Abaidyŋ poeziiasy, qara sözderı, onyŋ jalpy halyqqa beretın maŋyzy turaly bügıngı ümıtkerımız tereŋ tolǧady. Öte ädemı jūmys.
Bız būl jūmystan bırde-bır qate körgenımız joq. Şerhan Mūrtazanyŋ "Myŋbūlaq" äŋgımeler men hikaiattar jinaǧynyŋ üş betın oqydy. Mänerlep, yrǧaǧymen öte ädemı oqyp berdı.
Al "Qazırgı Qazaqstannyŋ geosaiasaty" jaiynda keŋ tolǧady, tereŋ söiledı. Jalpy bızdıŋ lingvistikalyq komissiianyŋ bergen qorytyndysy: Qasym-Jomart Kemelūly Toqaev memlekettık tıldı tolyq, jan-jaqty meŋgergen", - dedı komissiia töraǧasy.
