Basty bet
Jaŋalyqtar
Jer dauy. Memleket 2022 jyldan berı 7,8 million gektar jerdı qaitaryp alǧan

Jer dauy. Memleket 2022 jyldan berı 7,8 million gektar jerdı qaitaryp alǧan

22.08.2023

3059

https://adyrna.kz/content/uploads/2023/08/colorful-agricultural-fields-at-spring-aerial-dron-pht2z5m-min-2-scaled-1.jpeg

Qazaqstan Respublikasy ükımetı el aumaǧyndaǧy zaŋsyz paidalanylǧan jer telımderıne qatysty mälımdeme jasady. Ükımet mälımetınşe, 2022 jyldyŋ basynan berı paidalanylmai jatqan jer jäne auyl şaruaşylyǧy üşın zaŋsyz berılgen 7,8 million gektar jer memleket menşıgıne qaitarylyp alynǧan, dep habarlaidy "Adyrna" ūlttyq portaly.


Zaŋsyz jer telımın ielengender elımızdıŋ bırqatar oblystarynan anyqtalyp otyr. Jospardan tys tekseru barysynda Qaraǧandy ​​oblysyndaǧy 1,5 million gektar auyl şaruaşylyǧy jerı memleket menşıgıne qaitaryldy. Sonymen qatar:
Qostanaida – 738 myŋ ga;
Aqtöbede – 745 myŋ ga;
Türkıstanda – 631 myŋ ga;
Pavlodar oblysynda – 532 myŋ gektar jer memleket menşıgıne ötken.

Jer mäselesı boiynşa şikılık älı de bar. Mäselen, respublikadaǧy 5,5 million gektar aumaqta 2410 jospardan tys tekseruler jürgen. Nätijesınde, jer telımderın beru turaly zaŋsyz şeşımder anyqtaldy. Mäselen, auyl şaruaşylyǧyna arnalǧan 526,3 myŋ gektar jerdı beru turaly JAO-nyŋ 515 zaŋsyz şeşımı naqtylandy, onyŋ ışınde 135 şeşım joiyldy, qalǧan 380-ı boiynşa olardyŋ küşın joiu jūmystary jürgızılıp jatyr.
"Adyrna" ūlttyq portaly

Ūqsas jaŋalyqtar