Qazaqstan Prezidentı BŪŪ Bas hatşysynyŋ arnaiy ökılı, Ortalyq Aziia boiynşa preventivtı diplomatiia jönındegı öŋırlık ortalyqtyŋ basşysy Kaha İmnadzenı qabyldady. Būl turaly Aqorda mälımdedı, dep habarlaidy “Adyrna” ūlttyq portaly.
Toqaev Kaha İmnadzenı joǧary lauazymǧa taǧaiyndaluymen qūttyqtap, onyŋ Ortalyq Aziia memleketterı men BŪŪ arasyndaǧy yntymaqtastyqty damytuǧa eleulı üles qosatynyna senım bıldırdı.
Memleket basşysy Ortalyq Aziia boiynşa preventivtı diplomatiia jönındegı öŋırlık ortalyqtyŋ maŋyzdylyǧy men qajettıgın atap ötıp, onyŋ aimaqtaǧy ornyqty ösımdı qamtamasyz etu, tūraqtylyq pen qauıpsızdıktı nyǧaitu ısıne odan ärı qoldau körsetuge daiyn ekenın jetkızdı.Kaha İmnadze ortalyq qyzmetıne qoldau körsetkenı üşın Qasym-Jomart Toqaevqa alǧys aityp, Qazaqstannyŋ öŋırdegı beibıtşılıktı nyǧaitu jäne dialogty ılgerıletu ısıne qosqan eleulı ülesın atap öttı. Odan bölek, kezdesu barysynda Auǧanstandaǧy qazırgı jaǧdai talqylandy.
Ūqsas jaŋalyqtar
