Temır jol vokzalynyŋ ǧimaraty megapolis säuletıne sai boi köterude

Halyq sanynyŋ jyldan-jylǧa artuy men qalaǧa keletın turisterdıŋ köbeiuı temırjol vokzalynyŋ jūmys jüktemesın arttyryp qana qoimai, servistık qyzmettı jaqsartudy talap etude. Qalanyŋ damu josparyna säikes, Temırjol vokzalynyŋ ǧimaratyn rekonstruksiialau jūmystary qazır qarqyndy jürgızılude. Bügın qala äkımı Mūrat Äitenov jauaptylarmen bırge qaita qūru jūmystarynyŋ barysyn qadaǧalady. Qazırgı taŋda temırjol vokzaly 2- qabatynyŋ qūrylys jūmystary 80 paiyzǧa, bırınşı qabaty 30 paiyzǧa oryndaldy. Rekonstruksiialau jobasyna säikes, temırjol vokzalynyŋ aumaǧy 2249,33 şarşy metrge ūlǧaiady. Ǧimarattyŋ jolauşy ötkızu qabıletı qazır täulıgıne 2 myŋ adamdy qūraidy. Qaita qūrudan keiın vokzal täulıgıne 6 myŋ adamǧa deiın qamti alady. Sondai-aq jobada ǧimarattyŋ ekınşı kıreberısı, jolauşylarǧa jaily qyzmet körsetetın zamanaui talapqa sai ekı kütu zaly qarastyrylǧan. Vokzal ǧimaratynyŋ qasbetı megapolistıŋ säulettık kelbetıne sai jabdyqtalyp, şyny vitrajdy jüielerden jäne metall kassetalardan jasalady. Qūrylys jūmystary 5 kezeŋ boiynşa jürgızıledı. Qazır montajdau jūmystary jalǧasyp, nysanda jylu, jaryq jüielerı tartyluda. Sondai-aq, ört söndıru dabyldary, internet jüiesı jäne beinebaqylau kameralaryn ornatu jūmystary atqaryluda. Al bırınşı qabatta qūrylysşylar kolonnalardy küşeitu jūmystaryn jürgızude. Vokzal ǧimaraty respublikalyq maŋyzy bar qalanyŋ erekşelıgıne sai qaita qūrylyp, jyl soŋyna deiın paidalanuǧa berıledı. M. Düisenbekūly vokzal qūrylysyn jobaǧa säikes atqaryp, nysandy merzımınde qoldanysqa berudı tapsyrdy. Sondai-aq jolauşylarǧa qolaily bolu üşın jeldetkış jüiesın tiıstı talaptarǧa sai jürgızudı eskerttı.