Konstitusiialyq keŋes kandidattyŋ soŋǧy 15 jyl boiy el aumaǧynda tūru normasyn tüsındırdı
Konstitusiialyq keŋes Qazaqstan prezidentı Qasym-Jomart Toqaevtyŋ ötınışıne bailanysty şeşımın jariialady.
Būǧan deiın Toqaev prezidenttıkke ümıtkerlerge qoiylatyn talap – soŋǧy 15 jyl boiy elde tūru turaly normany tüsındırudı sūraǧan edı.
Konstitusiialyq keŋestıŋ şeşımı boiynşa, 15 jyl boiy elde tūru merzımıne bırınşı kezekte azamattyŋ el aumaǧynda tūrǧylyqty tūru uaqyty jatady, būl azamattyŋ mekenjaiy boiynşa tırkeluı arqyly anyqtalady.
"Būdan bölek, Qazaqstan Respublikasynyŋ diplomatiialyq qyzmetkerlerı jäne Qazaqstan Respublikasy qūramyna kıretın halyqaralyq ūiymdarda lauazymǧa taǧaiyndalǧan azamattardyŋ şetelde tūruy da osy merzımge jatady", - delıngen Konstitusiialyq keŋestıŋ tüsınıktemesınde.
Konstitusiialyq keŋestıŋ töraǧasy Qairat Mämi tüsındırgendei, osy aitylǧan sebepter boiynşa elden tysqary aumaqta tūru Qazaqstan azamattyǧyn toqtatty nemese tūrǧylyqty mekenjaiyn özgerttı degen söz emes.
Qazaqstan prezidentı Qasym-Jomart Toqaev 9 säuırde el halqyna ündeu jasap, elde kezekten tys prezident sailauy ötetının jariialady. Memleket basşysy sailaudy 2019 jyldyŋ 9 mausymyna belgıledı.
Prezidenttıkke kandidattardy ūsynu 28 säuır saǧat 18:00-ge deiın jalǧasady. Ümıtkerlerdı elımızde tırkelgen saiasi partiialar men respublikalyq qoǧamdyq bırlestıkter ūsyna alady. Är kandidat 118 140 senımdı sailauşynyŋ qolyn jinauy tiıs. Kandidattardy tırkeu 11 mamyrǧa deiın jalǧasady.
