Konstıtýııalyq keńes kandıdattyń sońǵy 15 jyl boıy el aýmaǵynda turý normasyn túsindirdi
Konstıtýııalyq keńes Qazaqstan prezıdenti Qasym-Jomart Toqaevtyń ótinishine baılanysty sheshimin jarııalady.
Buǵan deıin Toqaev prezıdenttikke úmitkerlerge qoıylatyn talap – sońǵy 15 jyl boıy elde turý týraly normany túsindirýdi suraǵan edi.
Konstıtýııalyq keńestiń sheshimi boıynsha, 15 jyl boıy elde turý merzimine birinshi kezekte azamattyń el aýmaǵynda turǵylyqty turý ýaqyty jatady, bul azamattyń mekenjaıy boıynsha tirkelýi arqyly anyqtalady.
"Budan bólek, Qazaqstan Respýblıkasynyń dıplomatııalyq qyzmetkerleri jáne Qazaqstan Respýblıkasy quramyna kiretin halyqaralyq uıymdarda laýazymǵa taǵaıyndalǵan azamattardyń shetelde turýy da osy merzimge jatady", - delingen Konstıtýııalyq keńestiń túsiniktemesinde.
Konstıtýııalyq keńestiń tóraǵasy Qaırat Mámı túsindirgendeı, osy aıtylǵan sebepter boıynsha elden tysqary aýmaqta turý Qazaqstan azamattyǵyn toqtatty nemese turǵylyqty mekenjaıyn ózgertti degen sóz emes.
Qazaqstan prezıdenti Qasym-Jomart Toqaev 9 sáýirde el halqyna úndeý jasap, elde kezekten tys prezıdent saılaýy ótetinin jarııalady. Memleket basshysy saılaýdy 2019 jyldyń 9 maýsymyna belgiledi.
Prezıdenttikke kandıdattardy usyný 28 sáýir saǵat 18:00-ge deıin jalǵasady. Úmitkerlerdi elimizde tirkelgen saıası partııalar men respýblıkalyq qoǵamdyq birlestikter usyna alady. Ár kandıdat 118 140 senimdi saılaýshynyń qolyn jınaýy tıis. Kandıdattardy tirkeý 11 mamyrǵa deıin jalǵasady.
