Atyrauda «Ūlttyq qyzdar mektebı» atymen jūmys ıstegen mekeme bırjola jabyldy, dep habarlaidy «Adyrna» tılşısı «KTK» arnasyna sılteme jasap.
Audanaralyq ekonomikalyq sot jyl boiy oquşylarǧa lisenziiasyz bılım berıp kelgen mekteptıŋ jūmysyn toqtatty. Byltyr 100-den astam boijetkendı qabyldaǧan būl jekemenşık oqu ornynyŋ jūmysyna atyraulyqtar kümänmen qarap, äleumettık jelıge beinejazbalar taratty. Onda olar būl mektepte oqityn qyz balalar tügeldei hidjabpen keletının aitqan. Keiın ol qoǧamdyq rezonans tuǧyzdy. Mektep basşylary mūny joqqa şyǧaryp, «mekeme qazaqy salt-dästürdı ūstanady, balalar ūlttyq kiımdermen keledı» dep aqtaldy. Bıraq jekemenşık mekteptı aşqan käsıpkerler bılım beru qyzmetın körsetu üşın lisenziia almai, jūmysyn bastap ketken. Zaŋdylyqqa sai olar alty ai ışınde rūqsat aluy tiıs eken. Alaida jyl boiy lisenziiasyz bılım berıp, oqu jylyn aiaqtapty. Osylaişa bılım beru sapasyn baqylau departamentı zaŋdylyqtardy būzǧan käsıpkerdı sotqa bergen.
«Ötken jyly mäsele anyqtalǧannan keiın bırneşe ret tekseru jürgızıldı. Atyrau oblysy äkımşılıgı sot arqyly ekı ret aiyppūl saldy. Sonymen qatar būl mektep lisenziia aluǧa ötınış bıldırgen. Alaida olardyŋ bılıktılık talaptary lisenziia aluǧa säikes kelmedı. Sondyqtan būl mekeme lisenziiasyn almady. Bız ekolonikalyq mamandandyrylyaǧn sotqa berdık. Sottyŋ şeşımıne säikes qyzmetı toqtatyldy»,—dedı Atyrau oblysynyŋ bılım salasyndaǧy sapany qamtamasyz etu departamentınıŋ basşysy Berdıbek Taiyşov.Aita keteiık, būǧan deiın «Ūlttyq qyzdar mektebınıŋ» aşylǧanyn habarlap, halyqtyŋ narazylyǧyn tudyrǧanyn jazǧan edık.
Ūqsas jaŋalyqtar
