22 tamyz künı Almaty oblysy, Jambyl audany, Ülken auylynda atom elektr stansiiasynyŋ qūrylysyna qatysty jariia tyŋdau öttı. Jiyn Ülken auyly orta mektebınıŋ akt zalynda 300-ge juyq adamnyŋ qatysuymen öttı.
Qūrylys mäselesınıŋ jai-japsaryn tüsındırıp QR Energetika ministrlıgı, «Qazaqstan atom elektr stansiialary» JŞS, «Iаdrolyq fizika instituty» RMK jäne t.b. mekeme mamandary söz söiledı.
Sarapşylar atom elektr stansiialarynyŋ qorşaǧan ortaǧa, ekologiiaǧa, elımäzdegı su resurstaryna äserı turaly egjei-tegjeilı aityp berdı. Sondai-aq AES-tıŋ tehnikalyq aspektılerı, atom elektr stansiiasyn salu kezınde aimaqtyŋ damu perspektivalary qarastyryldy.
Jiyn barysynda tek qūrylys barysy tüsındırılıp qoimai, auyl tūrǧyndary men jiynǧa kelgen qatysuşylardyŋ chūraştary nazarǧa alynyp, mamandar tarapynan jauaptar berıldı. Ülken auylynyŋ tūrǧyndary AES qūrylysy jobasyn qoldaityndyqtaryn bıldırdı.
“Jariia tyŋdau jergılıktı ökılettı organmen ūiymdastyrylyp otyr. QR Zaŋy boiynşa Qazaqstan Respublikasynda AES salu orny QR Ükımetı şeşımımen qabyldanady. Alaida osy şeşım tek qana jergılıktı ökılettı organnyŋ şeşımı boiynşa qarastyrylady. Sol sebepten de osy jiynda bas qosyp otyrmyz. Halyq pıkırı eşqaşan elenbei qalmaidy. Barlyǧynyŋ sūraqtaryna jauap berılıp, pıkırlerı eskerıletın bolady”,— dep jauap berdı Energetika ministrlıgınıŋ Atom energetikasy jäne önerkäsıp departamentı direktorynyŋ orynbasary Gülmira Mūrsalova.
Jiyn barysynda tek qūrylys barysy tüsındırılıp qoimai, auyl tūrǧyndary men jiynǧa kelgen qatysuşylardyŋ chūraştary nazarǧa alynyp, mamandar tarapynan jauaptar berıldı. Ülken auylynyŋ tūrǧyndary AES qūrylysy jobasyn qoldaityndyqtaryn bıldırdı.
“Osy auylda tuylyp, osy auylda bılım alyp, älı künge deiın nany men suyn ışıp kelemız. Özım osynda medisina qyzmetkerı bolyp jūmys jasaimyn. Būl jaqtaǧy mäselelerdı bıletın bız ǧana. “AES kerek emes” dep otyrǧandar bızdıŋ qalai susyz, jaryqsyz qinalatynymyzdy bılmeidı. Ai saiyn jaryq öşıp, uaqyt-uaqytymen su berıletını jergılıktı tūrǧyndardyŋ ǧana mäselesı. Al AES salynsa energiia tapşylyǧy mäselesı ekı bastan şeşılıp, bızdıŋ auyl naǧyz perspektivaǧa ainalar edı. Sondyqtan bız qos qoldap qoldaimyz. Ziian dep qorqatyn jandar būl taqyrypty tüsınbeitınder jäne tüsıngısı kelmeitınder. Bız - därıgerler būl mäselenı baiaǧyda zerttep qoiǧanbyz. Ziian tügı de joq. Kerısınşı būl qūrylys būdan erte salynsa tıptı keremet bolar edı”,—dedı auyl tūrǧyny Fariza Tölegenova.Sondai-aq, mektep zalynda "Qazaqstandyq atom elektr stansiialary" JŞS bas direktory Timur Jantikin Ülken auyly on audannyŋ arasynan taŋdalǧanyn aitty:
"Atom elektr stansiiasyn salu üşın ekı aumaq zertteldı, olar Qazaqstannyŋ şyǧysy jäne oŋtüstıgınde. Ekı aumaq ta atom obektılerın saluǧa jaramdy. Bızdıŋ kompaniia Iаdrolyq tehnologiialar qauıpsızdıgı ortalyǧynyŋ mamandaryn tarta otyryp zertteuler jürgızdı. Tehnikalyq jäne ekologiialyq saraptamalar jürgızıldı. Iаǧni, barlyq zertteu nätijelerı rastaldy. Bızdıŋ kompaniia Oŋtüstık Qazaqstandy ūsyndy. Sondyqtan bız osynda jinalyp, tūrǧyndardyŋ pıkırlerın tyŋdaǧymyz keldı», - dedı Timur Jantikin.Jiynda auyl tūrǧyndary AES qūrylysyn qoldap, öz ūstanymdaryn körsettı. Jariia tyŋdau qorytyndysy boiynşa Almaty oblysynyŋ mäslihaty şeşım şyǧarady, sodan keiın mäselenı ükımet qarastyrady.
