Jelıde taraǧan videoda aqyn vokzaldaǧy soraqylyqty jyrlaǧan. Öskemende kemşılıkterdı oqiǧa ornynan synai jyrlap, äleumettık jelıge salyp jıberetın "Aqynkeldı" degen aqyn paida boldy, dep habarlaidy altaynews.kz.
Aqynnyŋ şyn aty-jönı – Aian Qalymbek. Äleumettık jelılerde özın "Aqynkeldı" dep tanysatyratyn ol qoǧamdaǧy közge ūryp tūrǧan kemşılıkterdı osyndai jolmen qalyŋ köpşılıkke jetkızgısı keletının aitady.
Aqynnyŋ jelıdegı paraqşasynda jariialanǧan myna bır atyşuly videoda ol temırjoldyŋ "qylmysy" üstınen tüsken. Onda jolserık adamdardy poiyzǧa şelek qoiyp şyǧaryp jatyr eken. Olardyŋ qasyna jetıp kelgen aqyn özınıŋ jyr şaşuyn bylaişa tögıp jıberdı:
Öskemen – şyǧystaǧy güldı qala,Al myna vokzal bolǧan türdı qara.
Poiyzǧa mınetūǧyn perrony joq,
Basşylar bır paidaly ıs tyndyra ma?
Vagonnyŋ biıgıne örmelegen,
Qariialar jambastaryn syndyra ma?
Qoiyp qoiǧan oryndyq, şelegı ne?
Mūndai jerge turister keledı me?
Vokzal degen qalanyŋ bet-beinesı,
Mūndai soraqylyqtyŋ sebebı ne?
Jolauşy men qonaqtan ūiat boldy-au,
Basşylar qūlaq salǧyn öleŋıme... dep jyrlaidy.
Vokzaldaǧy qara-qūrym halyq aqynnyŋ aitqandarymen bas şūlǧyp kelısıp, oǧan qol şapalaqtap öz qoldauyn bıldırdı.
Aqynkeldı aldaǧy uaqytta da ǧaiyptan paida bolyp aityp-aityp ketetın äleumettık jelılerdegı şyǧarmaşylyǧyn jalǧastyra bermekşı.
Sputnik
