İlia İlin Aziiada jüldesız qaldy

Qytaidyŋ Ninbo qalasynda ötıp jatqan auyr atletikadan Aziia chempionatynda qazaqstandyq İlia İlin 5-oryn aldy. İlin jarysqa 25 säuırde şyqty. Ol 96 kelı salmaqta synǧa tüsıp, qossaiys nätijesı boiynşa 345 kelı köterdı. Būl salmaqta altyndy Qytai sportşysy Tao Tian (401 kg), kümıstı İran atletı Seiedaiob Musavijarahi (373 kg), qolany oŋtüstık koreialyq Chjun Hun Han (366 kg) ielendı. Qytaidaǧy Aziia bırınşılıgınde qazaqstandyq Arli Chontei (55 kg) men Denis Ulanov (51 kg) qola alǧan. Al Rio olimpiadasynyŋ chempiony Nijat Rahimov jarystan qatysuǧa bas tartqan. Äielder arasynda Zülfiia Chinşanlo 4-oryn ielengen. Ninbodaǧy jarys - İlinnıŋ doping doping dauyna keiıngı alǧaşqy jarysy. Ol Pekin jäne London olimpiadalarynda doping qoldandy dep aiyptalyp, ekı jylǧa sporttan şettetılgen. Sportşylardyŋ jaza uaqyty 2018 jyly jazda aiaqtalǧan. İlin byltyr qaraşada Aşǧabatta ötken älem chempionatyna, jeltoqsanda Dohada ötken halyqaralyq turnirge qatysuy tiıs bolǧan. Bıraq sportşy jaraqatyna bailanysty ekı jarysqa da qatyspady.