Qaza tapqandar altyn kenışıne zaŋsyz tüskender ekenı belgılı boldy, bıreuı aman qaldy
Aqmola oblysynda "Qazaqaltyn" tau-ken kombinatyna tiesılı Bestöbedegı kenışte tau jynystary opyrylyp, saldarynan ekı adam qaza tauyp, bıreuı auruhanaǧa jetkızıldı, dep habarlaidy Sputnik Qazaqstan tılşısı.
Oqiǧa senbı, 27 säuırde taŋǧy saǧat 04.00-te bolǧan. Öŋırlık tötenşe jaǧdailar departamentınıŋ baspasöz qyzmetı habarlaǧandai, ken tastary opyrylǧan kezde şahtanyŋ ışınde bolǧan üş adam kenışke zaŋsyz tüskender bolyp şyqty.
Qaza tapqandardyŋ bırınıŋ kım ekenın anyqtaldy, ol 1976 jyly tuǧan K. S. esımdı azamat.
"Kenışke zaŋsyz tüskenderdıŋ qai eldı mekennıŋ tūrǧyndary ekenı äzırge belgısız. Qūjattary joq. Qazır ekınşı adamnyŋ kım ekenın anyqtap jatyrmyz", - dedı oqiǧa ornynda bolǧan Stepnogorsk tötenşe jaǧdailar basqarmasynyŋ inspektory Sūŋǧat Abraev.
Qaza bolǧandar men aman qalǧan tūrǧyndy üiındı astynan "Qazaqaltyn" kombinatynyŋ janyndaǧy tau-ken qūtqaru jasaǧynyŋ mamandary men tötenşe jaǧdailar basqarmasynyŋ qūtqaruşylary alyp şyqty.
"Ekı adam qaza tapty. Ekeuı de şahtaǧa zaŋsyz altyn ızdep tüskender. 50 jastaǧy üşınşı er adam jaraqat alyp, qabyrǧasy men qoly syndy. Onyŋ jaǧdaiyn därıgerler ortaşa deŋgeide dep baǧalap otyr. Ol Stepnogorskıdegı auruhanaǧa jetkızıldı", - dedı Aqmola oblysy tötenşe jaǧdailar departamentınıŋ baspasöz hatşysy Dinara Esenbaeva.
