"Adyrna" ūlttyq portaly Aqtöbe oblysynyŋ bılım basqarmasyna qarasty "Aqtöbe-Daryn" öŋırlık ǧylymi täjıribelık qosymşa bılım beru ortalyǧy «Elbasy medalı» baǧdarlamasyna 104 910 714 teŋge qarjy bölgenı turaly syni material jariialaǧan edı. Sol synnan keiın Aqtöbe oblystyq Memlekettık satyp alu basqarmasy atalǧan jobany toqtatyp, bölıngen qarjyny biudjetke qaitardy, - dep habarlaidy «Adyrna» aqparattyq portaly.
Tılşımız biyl 15 aqpan künı QR Prezidentı Qasym-Jomart Toqaev «Qazaqstan Respublikasynyŋ Tūŋǧyş Prezidentı – Elbasy turaly» QR Konstitusiialyq zaŋynyŋ küşın joiu turaly» Zaŋǧa qol qoiǧanyn, sodan berı, resmi türde elımızdegı barlyq salada «Elbasy» degen atau estılmei ketkenın, Aqtöbe oblysynyŋ Bılım basqarmasy sol ūmytyla bastaǧan ataudy qaita jaŋǧyrtyp, «Elbasy medalı» baǧdarlamasyna 104 910 714 teŋge bölgenın synaǧan edı.
"Elbasy medalıne" esepsız bölıngen qarjynyŋ biudjetke kerı qaitqany qūptarlyq jait. Būl mäsele aqparat qūralynda jariialanbasa, Aqtöbelık şeneunıkter Eskı Qazaqstanda qalyp kete bermek pe?
Sol synǧa "Aqtöbe oblysynyŋ memlekettık satyp alular basqarmasy" resmi jauap berdı. Ol jauapta: "20 tamyzdaǧy №504 būqaralyq aqparat qūraldary arqyly joldaǧan sūrauyŋyzdy qarap, kelesını habarlaidy. "Elbasy medalı" jobasy Qazaqstan Respublikasy Ükımetınıŋ "On tört jastan jiyrma toǧyz jasqa deiıngı balalar men jastardy patriottyq tanytqany jäne belsendı azamattyq ūstanymy üşın erekşelık belgısımen nagradtau qaǧidalaryn bekıtu turaly" 2020 jylǧy 24 säuırdegı № 249 qaulysyna säikes jüzege asyryldy. Qazırgı taŋda būǧan deiın memlekettık portalda jariialanǧan "Elbasy medalıne" qatysty memlekettık satyp alular konkursy toqtatyldy. Atalǧan maqsatqa bölıngen qarajat biudjetke kerı qaitarylady. Atalǧan joba aldaǧy uaqytta jalǧasyn tappaidy" delıngen.
"Elbasy medalıne" esepsız bölıngen qarjynyŋ biudjetke kerı qaitqany qūptarlyq jait. Būl mäsele aqparat qūralynda jariialanbasa, Aqtöbelık şeneunıkter Eskı Qazaqstanda qalyp kete bermek pe?
Bızdı osy sūraq mazalaidy...
Qanat Bırlıkūly "Adyrna" ūlttyq portaly
