Prezident sailauyna "Ūlt taǧdyry" qozǧalysynan ūsynylǧan Ämırjan Qosanov bügın Nūr-Sūltanda Ortalyq sailau komissiiasyna qūjattaryn tapsyrdy. Keşeden berı äleumettık jelıde Qosanovtyŋ qūjattaryn qabyldai ma, qabyldamai ma dep eleŋdegen halyqqa būl turaly saiasatker özınıŋ Feisbuk paraqşasynda jariialady.
"Bügın Astanaǧa kelıp, Ortalyq sailau komissiiasyna qūjattardy tapsyrdym. Ekı kün boiyna tekseredı eken. Qazaq tılınen synaqty düisenbıge saǧat 11-00-ge taǧaiyndady. Osyndaida qazaq auylynda tuyp, ata-äjemnıŋ "ainalaiyn" estıp, tılımdı syndyryp, qazaq mektebı men universitettıŋ jurnalistika fakultetınıŋ qazaq bölımınde oqyp, student bolyp jürıp, "Egemen Qazaqstan" sekıldı ırgelı gazette käsıbi eŋbek jolymdy bastaǧanyma täuba deimın" dep jazǧan Qosanov.
9 mausym künı ötetın QR Prezidentıne ümıtkerlerdıŋ ışındegı negızgı teke-tıres qazırgı uaqytşa prezident Qasym-Jomart Toqaev pen oppozisiialyq saiasatker Ämırjan Qosanovtyŋ arasynda ötedı dep boljanuda.
"Adyrna" ūlttyq portaly
