Almaty qalasy äkımdıgınıŋ qoldauymen 2-3 qyrküiek künderı Boraldai saq qorǧandarynda «Ūly dala – köşpendıler älemı» halyqaralyq etno-mädeni festivalı ötedı, dep habarlaidy “Adyrna” ūlttyq portaly.
Qala künıne orailastyrylǧan festival «Almaty – Şanhai yntymaqtastyq ūiymynyŋ mädeni jäne turistık astanasy» jobasy aiasynda ötedı.
Baǧdarlamada 10-nan astam köşpelı halyqtardyŋ salt-dästürı, ädet-ǧūryptary, ūlttyq oiyndary, mädeni mūralary ūsynylady.
Sondai aq, şet eldık jäne
qazaqstandyq şabandozdardyŋ türlı önerlerı, üzdık etnomuzykanttardyŋ änderı, qolönerşılerdıŋ şeberlık sabaqtary körsetıledı.
Aita keteiık, kıru tegın. Bastalu uaqyty: 10:00.
Saǧat 9 ben 18.00 aralyǧynda Saq qorǧandaryna qala ışınen arnaiy avtobustar jüredı. Ortalyq stadion, «1-Almaty vokzaly», «N. Sas atyndaǧy balalar men jasöspırımder teatry» jäne «Alatau» dästürlı öner teatry maŋynan avtobustar qatynaidy.
Ūqsas jaŋalyqtar
