Óz ortasynda tanymal bloger, Sankt-Peterbordan (Reseı) kelgen Ivan Chervınskıı óziniń jeke paraqshasynda vıdeo jarııalady. Ol óz vıdeosynda qyzyn qazaq mektebine jetektep aparǵanyn baıandap, qyzynyń memlekettik tilde bilim alǵanyn qalaıtynyn jetkizdi. Sonymen qatar, asqan qonaqjaılyǵy úshin Qazaqstanǵa alǵys bildirdi, dep habarlaıdy "Adyrna" ulttyq portaly.
- Qurmetti dostar, Birinshi qyrkúıek! Barshańyzdǵa bilim kúni qutty bolsyn!
Men úshin de, meniń otbasym úshin de bul kún asa erekshe! Búgin meniń Eva-Marııa esimdi qyzym birinshi synypqa bardy.
Onyń ústine qyzym Almaty qalasyndaǵy nómiri 33-qazaq mektep-lıeıininiń tabaldyryǵyn attady jáne qyzym qazaq tilinde bilim alady!
Árıne, bul ońaı emes. Jańa el, jańa til. Onyń ústine, kez kelgen ata-ana úshin bul óte qyzyq bolýy tıis.
Alaıda bizdi osylaı jyly qabyldap, osyndaı múmkindikterdiń esigin ashyp bergenine
Qazaqstanǵa alǵys aıtamyn jáne rızamyn!Raqmet, Qazaqstan! - dep jazdy Reseıden kelgen azamat.
Ivan Chervınskıı Qazaqstan jaıly tanymdyq aqparatar usynatyn reseılik azamat. Qazir onyń Instagram-da 150 myńnan astam jazylýshy jáne YouTube arnasynda taǵy 260 myń adam bar. Ivan Qazaqstan, qazaqtar jáne olardyń álemdik arenadaǵy jetistikteri týraly jıi jarııalaıdy.
Posmotret etý pýblıkaııý v Instagram
Oraıy kelgende aıta keteıik, Respýblıka boıynsha birinshi synypqa barǵan oqýshylardyń 68 paıyzdan astamy qazaq tilinde oqytatyn mektepterde bilim alady. Bul týraly Qazaqstan Respýblıkasy oqý-aǵartý mınıstrliginiń orta bilim berý komıteti tóraǵasynyń orynbasary Jomart Qarambaev “Adyrna” ulttyq portalyna bergen jaýabynda aıtyp bergen edi.
Degenmen, jeli qoldanýshylarly kishkentaı talapkerlerdi qazaq tiline beıimdeıtin ortalyqtardyń óte az ekenin, bilikti mamandardyń jetispeıtindigin, mektepterdiń azdyǵyn aıtyp, jıi shaǵymdanady. Tipti jeli qoldanýshylary keıbir aımaqtarda qazaq tildi mektepterdi damytýǵa, kóbeıtýge tıisti deńgeıde kóńil bólinbeıtindigin aıtady.
"Adyrna" ulttyq portaly
