Adam öltırgen. Izdeude jürgen qazaqstandyq Bışkekte ūstaldy

2506
Adyrna.kz Telegram
https://adyrna.kz/content/uploads/2023/09/7ba118c2-3b1b-456e-b40b-a57dea83a92b.jpeg
Qyrǧyzstanda Jambyl oblysynyŋ tūrǧynyn öltırdı degen küdıkke ılıngen Qazaqstan azamaty ūstaldy. Būl turaly Qyrǧyzstannyŋ ışkı ıster ministrlıgı jariialady, dep habarlaidy “Adyrna” ūlttyq portaly.  Mälımet boiynşa, qaşqyn halyqaralyq ızdeude bolǧan. 2022 jyldyŋ 25 qyrküiegınde Jambyl oblysy Şu audandyq auruhanasyna 23, 25 jäne 26 jastaǧy tört jıgıt oq jaraqatymen tüsken. Keiın olardyŋ bırı jansaqtau bölımınde qaitys boldy. "Adam öltıru" baby boiynşa qylmystyq ıs qozǧaldy. Köp ūzamai küdıktıler ūstaldy, bıraq bıreuı qaşyp ülgerıp, oǧan halyqaralyq ızdeu jariialandy.
Belgılı bolǧandai, ol Qyrǧyzstan aumaǧynda jasyrynyp jürgen. Osy jyldyŋ 21 tamyzynda Bışkek qalasynda bet-älpetın tanu mümkındıgı bar beinebaqylau kameralary ızdeude jürgen azamatty anyqtady. Oqiǧa ornyna barǧan Lenin audany küzet bölımınıŋ qyzmetkerlerı (IIM Küzet qyzmetı) sauda keşenderınıŋ bırınıŋ aumaǧynda ızdeude jürgen Qazaqstan azamaty ekenı anyqtalǧan er adamdy ūstady", - dep habarlady Qyrǧyzstannyŋ ışkı ıster ministrlıgı.
Ūstalǧannan keiın er adam audandyq milisiia basqarmasyna tapsyryldy. Alaida sol künı keşke ol saraptamadan ötuge jetkızılgen medisinalyq mekemenıŋ aumaǧynan qaşyp ülgergen.
Bıraq 29 tamyzda ışkı ıster organdarynyŋ qyzmetkerlerı qaşqyn qazaqstandyqtyŋ tūrǧan jerın anyqtady. Ol jaldamaly päterde jasyrynyp jürgen. Sol jerde ony polisiia qyzmetkerlerı Qyrǧyzstandaǧy İnterpol biurosynyŋ qyzmetkerlerımen bırge ūstady, - dedı ministrlıktegıler.
Aita ketsek, ūstalǧan azamat 2000 jyly tuǧan Qazaqstannyŋ Jambyl oblysy Şu audanynyŋ tūrǧyny bolyp şyqty.
Pıkırler