Almatyda elitalyq qonaqüidıŋ bırınde jarylǧyş zat qoiyldy degen aqparatqa bailanysty adamdardy evakuasiialau jürgızıldı, dep habarlaidy "Adyrna" tılşısı.
Almaty polisiia departamentıne 3 qyrküiek künı saǧat 23:51-de Bostandyq audanynda ornalasqan qonaqüilerdıŋ bırıne bomba qoiylǧany turaly anonimdı habarlama tüsken. Jedel jetken departament qyzmetkerlerı Ritz-Carlton qonaqüiıne tūraqtaǧan qonaqtar men barlyq qyzmetkerlerdı evakuasiialaǧan.
«Qalanyŋ barlyq tötenşe jaǧdailar qyzmetı dereu körsetılgen nysanǧa tartyldy. Keluşıler men qonaqüi qyzmetkerlerın evakuasiialau jūmystary jürgızıldı. Saper bölımşesınıŋ köpqabatty üige komissiialyq tekseruı ekı saǧatqa juyq jürgızıldı. Nätijesınde jarylǧyş zat tabylmady», - dep habarlady qalalyq PD baspasöz qyzmetı.
Qazır aty-jönı belgısız tūlǧanyŋ jeke basyn anyqtauǧa, ony ūstauǧa jäne odan ärı qylmystyq jauapkerşılıkke tartuǧa baǧyttalǧan keşendı jedel ıs-şaralar jürgızılıp jatyr.
Ūqsas jaŋalyqtar
