Bügın «AMANAT» partiiasynyŋ Töraǧasy Erlan Qoşanov Memleket basşysy Qasym-Jomart Toqaevtyŋ «Ädılettı Qazaqstannyŋ ekonomikalyq baǧdary» atty Qazaqstan halqyna Joldauyn jüzege asyru barysy turaly partiia aktivımen keŋes ötkızdı.
Jiyndy aşqan partiia Töraǧasy Joldau Memleket basşysynyŋ elımızde kezeŋ-kezeŋımen jürgızılıp jatqan auqymdy ärı maŋyzdy reformalarynyŋ jalǧasy ekenın jäne ony tarihi dep atauǧa bolatynyn atap öttı.
Jiyn soŋynda Erlan Qoşanov partiianyŋ Ortalyq apparaty men öŋırlık filialdarynyŋ aldyna bırqatar naqty mındet qoidy. Atap aitqanda, Joldaudyŋ negızgı baǧyttary ortalyq jäne oblystyq deŋgeilerdegı «TALQYLAU» jäne «Bir Tolqynda» dialog alaŋdary aiasynda talqylanady. Partiia Keŋesterı öz ūsynystaryn daiyndauy qajet. Sondai-aq, ol Joldauda jüktelgen mındetterdıŋ oryndaluyna barlyq deŋgeidegı mäslihattardaǧy partiianyŋ deputattyq fraksiiasy müşelerınıŋ bır kısıdei jūmylyp, qatysuyn tapsyrdy.
Jiyndy aşqan partiia Töraǧasy Joldau Memleket basşysynyŋ elımızde kezeŋ-kezeŋımen jürgızılıp jatqan auqymdy ärı maŋyzdy reformalarynyŋ jalǧasy ekenın jäne ony tarihi dep atauǧa bolatynyn atap öttı.
«Joldauda ekonomikalyq damuymyzdyŋ taiau jyldardaǧy evoliusiiasy aiqyndaldy. Öte auqymdy, naqty ärı keşendı ıs-şaralar josparlanyp otyr. Sonymen qatar, Joldauda jūrtşylyqty alaŋdatyp, tolǧantyp otyrǧan basqa da özektı mäseleler tolyqqandy qamtyldy. Sondyqtan partiiamyz üşın Joldau strategiialyq maŋyzdy qūjat bolyp tabylady. Endıgı kezekte, bızdıŋ aldymyzda Memleket basşysynyŋ jaŋa ekonomikalyq saiasatyna qoldau körsetıp, onyŋ sapaly oryndaluyn qamtamasyz etu maqsaty tūr. «AMANAT» partiiasy osy maqsatty jüzege asyrudyŋ alǧy şebınde boluy tiıs dep sanaimyn», - dedı partiia Töraǧasy.Erlan Qoşanov partiialyqtardy Joldaudy jüzege asyru üşın bükıl qoǧamnyŋ küş-jıgerın jūmyldyruǧa şaqyrdy. Ol Joldauda Memleket basşysy su men gaz tapşylyǧy, infraqūrylymnyŋ tozuy, otandyq käsıporyndarǧa qoldaudyŋ jetkılıksızdıgı, öndırıstı damytu üşın ūzaq merzımdı qarjylai qoldaudyŋ bolmauy, agroönerkäsıp sektorynyŋ problemalary siiaqty elımızdegı bırqatar özektı mäselenı qamtyǧanyn basa aitty.
«Osy mäselelerdıŋ barlyǧy da jūrtşylyq tarapynan bırneşe ret köterıldı. Bız partiianyŋ barlyq deŋgeidegı deputattary arqyly da, partiialyq jobalarymyz arqyly da belsendı jūmys ıstep jatyrmyz. Aitalyq, ötken jyly «Jer amanaty» jobasy aiasynda 5 mln gektar jer memleket menşıgıne qaitarylyp, şarualarǧa qaita bölındı. «Auyl amanaty» jobasy ıske qosylyp, onyŋ aiasynda öz ısın aşu üşın 2,5% jeŋıldıkpen nesie berılıp jatyr. Prezident atalǧan jobanyŋ qajet ekenın atap ötıp, jeke qosalqy şaruaşylyqtar kooperasiiasyn yntalandyrudy tapsyrdy», - dedı Erlan Qoşanov.Sondai-aq, partiia Töraǧasy Memleket basşysynyŋ halyqtyŋ qarjylyq sauattylyǧyn arttyruǧa baǧyttalǧan «Qaryzsyz qoǧam» partiialyq jobasyn qoldaǧanyn erekşe atap öttı. Endı «AMANAT» osy jobany Ükımetpen bırge bükıl el aumaǧynda keŋeitıp, sapaly ıske asyrumen ainalysady. Erlan Qoşanov partiiaǧa qoldanystaǧy zaŋnamalardy jetıldıru, sondai-aq jaŋa ekonomikalyq saiasatty ıske asyruǧa baǧyttalǧan jaŋa retteuşı qūraldardy qūru jönındegı ūsynystardy daiyndauǧa atsalysudy tapsyrdy.
«Önerkäsıptık saiasat, sauda, käsıpkerlık salasyndaǧy zaŋnamaǧa özgerıster engızu qajet. Bügıngı taŋda salyq jäne biudjet zaŋnamasy partiia alaŋdarynda qyzu talqylanyp jatyr. Ǧylym men innovasiia, sifrlandyru jäne aqparattyq tehnologiialardy damytu salasynda qosymşa retteuşı qūraldardy äzırleu qajet. Prezidenttıŋ bastamalaryn zaŋnamalyq qoldau – bızdıŋ fraksiianyŋ Mäjılıstegı mındetı», - dedı partiia Töraǧasy.Is-şara barysynda Mäjılıstıŋ Äleumettık-mädeni damu komitetınıŋ töraǧasy Ashat Aimaǧambetov, Mäjılıs deputattary Ekaterina Smyşliaeva men Maqsat Tolyqbaev, «AMANAT» partiiasynyŋ Şyǧys Qazaqstan oblysyndaǧy filialynyŋ töraǧasy Sairangül Jūmadılova men Almaty qalalyq filialynyŋ töraǧasy Stanislav Kankurov söz söiledı.
Jiyn soŋynda Erlan Qoşanov partiianyŋ Ortalyq apparaty men öŋırlık filialdarynyŋ aldyna bırqatar naqty mındet qoidy. Atap aitqanda, Joldaudyŋ negızgı baǧyttary ortalyq jäne oblystyq deŋgeilerdegı «TALQYLAU» jäne «Bir Tolqynda» dialog alaŋdary aiasynda talqylanady. Partiia Keŋesterı öz ūsynystaryn daiyndauy qajet. Sondai-aq, ol Joldauda jüktelgen mındetterdıŋ oryndaluyna barlyq deŋgeidegı mäslihattardaǧy partiianyŋ deputattyq fraksiiasy müşelerınıŋ bır kısıdei jūmylyp, qatysuyn tapsyrdy.
