"Adyrna" ūlttyq portaly "Maŋǧystau oblysy äkımdıgınıŋ Is basqarmasy" kommunaldyq memlekettık mekemesı därethana qaǧazyna arnap 7 024 609 teŋge qarjy bölgenı turaly syni material jariialaǧan edı. Oblys äkımdıgı atalǧan synǧa jauap berdı, - dep habarlaidy Adyrna ūlttyq portaly.
Tılşımız atalǧan materialda äkımdıkte qyzmet ısteitın şeneunıkter künıge 694 oram, iaǧni 104 100 metrlık äjethana qaǧazyn paidalanatynyn, mūndai köp qaǧazdy paidalanu üşın memqyzmetkerler künıge qanşa ret därethanaǧa baruy kerektıgın sūraǧan.
Resmi jauapta: "Därethana qaǧazdaryn satyp alu boiynşa memlekettık satyp aludyŋ ūiymdastyruşysy «Maŋǧystau oblysy äkımdıgınıŋ Is basqarmasy» Kommunaldyq memlekettık mekemesı (ärı qarai-Mekeme). Mekemenıŋ negızgı maqsaty memlekettık mülıktı paidalanu jäne ūstau, jergılıktı ökıldı, atqaruşy jäne memlekettık organdar üşın şaruaşylyq tauarlarmen onyŋ ışınde därethana qaǧazdarymen, taǧyda basqa zattarmen jabdyqtau funksiialaryn oryndau bolyp tabylady. Joǧaryda atalǧan ǧimarattarda ornalasqan memlekettık mekemelerdı qamtamasyz etu maqsatynda jyl saiyn därethana qaǧazy jäne basqa da zattar satyp alynady. Joǧaryda atalǧan ǧimarattarda barlyǧy 1300 qyzmetker ornalasqan. Sonymen qatar, tek oblystyq jinau punktınde jyl saiyn 15 därıger, 80 qyzmetker jäne 1500 äskerge şaqyryluşy kazarmalyq jaǧdaida ornalastyrylady. Sondyqtan gigiena qūraldarymen qamtamasyz etu maqsatynda jyl saiyn keluşılerge, qyzmetkerler men äskerge şaqyryluşylarǧa yŋǧaily bolu üşın osyndai tauarlardy satyp alu jürgızıledı" delıngen.
Resmi jauapta körsetılgen 2895 adam künıne 694 oram därethana qaǧazyn paidalanuy mümkın be? Endı bızdı osy sūraq mazalap otyr.
"Adyrna" ūlttyq portaly
