Äleumettık jelıde jürgızuşısı joq avtobustyŋ özdıgınen artqa qarai jürıp ketıp, jasaǧan jol apatynyŋ videosy paida boldy, dep habarlaidy «Adyrna» tılşısı.
Oqys oqiǧa 6 qyrküiek künı Abai daŋǧyly men Nauryzbai batyr köşesınıŋ qiylysynda bolǧan.
Qalalyq polisiia departamentınıŋ aituynşa, jol jiegınde tūrǧan №79 avtobus özdıgınen jürıp ketıp, tört kölıkke soǧylǧan. Būl kezde qoǧamdyq kölıktıŋ jürgızuşısı därethanaǧa ketken. Basqarma avtobustyŋ 84 metr jol jürgenın anyqtady.
Apat saldarynan Kia Rio kölıgınde bolǧan bır äiel zardap şegıp, auruhanaǧa jetkızıldı.
Qazırgı taŋda būl derektı Bostandyq audandyq polisiia basqarmasy öndırıske aldy. Oqiǧanyŋ män-jaiy anyqtalyp jatyr.
Eske salaiyq, būǧan deiın säuırde Şymkent qalasynda qarausyz qalǧan avtobus jürıp ketıp, bır top adamdy qaqqan edı. Saldarynan bes adam mert boldy. 49 jastaǧy avtobus jürgızuşı qamauǧa alyndy. Onyŋ üstınen Qylmystyq kodekstıŋ 345-babymen («Kölıktı paidalanu qaǧidalaryn būzu» ıs qozǧaldy.
<View this post on Instagram
Ūqsas jaŋalyqtar
