Türkıstan oblysynda 5 jasar qyzdy qatıgezdıkpen öltırgen pedofilge ükım şyqty, dep habarlaidy “Adyrna” ūlttyq portaly.
Ükım boiynşa, er adam ömır boiyna bas bostandyǧynan aiyrylǧan. Odan bölek, sot oǧan himiialyq kastrasiia qoldanudy qauly ettı.
Marqūmnyŋ ata-anasy ükımge kelıstı. Bıraq olar osy jyldyŋ mamyr aiynda aiyptaluşyǧa tym jeŋıl ükım şyǧarǧan sudia men prokurordy jauapqa tartudy sūrady.
Sottaluşy Saidolim Gaiibnazarov 2006 jyly kısı öltırgenı üşın 10 jylǧa sottalyp, biyl mamyrda auyldasyna baltamen şabuyldaǧany üşın taǧy da ıstı bolǧan. Sot onyŋ jäbırlenuşımen tatulasqanyn, 10 jyldyq jazasyn tolyq ötep kelgenın eskerıp, tek 3 jylǧa ǧana türmege kesken. Al keiınnen probasiialyq baqylauǧa alyp, bosatyp jıbergen.
Eske salsaq, oqiǧa Türkıstan oblysy Saryaǧaş audanynda bolǧan edı. Saryaǧaş audany, Jıbek joly auylynda bes jasar qyzdyŋ joǧalǧany 13 şıldede belgılı boldy. Keiın balanyŋ denesı körşısınıŋ üiınıŋ şatyrynan tabyldy. Küdıktı ūstalǧan soŋ auyl tūrǧyndary narazylyq tanytyp, ony halyqqa berudı talap etken.
Kısı öltıru faktısı boiynşa Qylmystyq kodekstıŋ 99-babynyŋ 3-bölıgı (kämeletke tolmaǧan adamdy öltıru) boiynşa qylmystyq ıs qozǧaldy. Küdıktı būǧan deiın de auyr qylmystary üşın sottalǧan.
Sondai-aq, Toqaev būǧan deiın auyr qylmys jasaǧanyna qaramastan küdıktıge jeŋıl jaza taǧaiyndaǧan sudiany tekserudı tapsyryp, ıstı nazarǧa alǧan edı.
Ūqsas jaŋalyqtar
