KitapFest kitap festıvali-eń aýqymdy mádenı-buqaralyq oqıǵa. 2014 jyldan beri ótkizilip kele jatqan KitapFest respýblıkalyq deńgeıdegi alǵashqy kitap festıvali bolyp tabylady. 9 jyl ishinde ol tanymal qazaqstandyq avtorlar men baspalardyń qatysýymen 200-den astam kitaptyń tusaýkeserin ótkizgen shyǵarmashylyq jazýshylyq kezdesýler úshin bedeldi jáne qýatty alańǵa aınaldy.
2023 jylǵy KitapFest Almaty festıvaliniń taqyryby: «Ulttyq ádebıet. Ulttyq til. Ulttyq dástúrler». Kelýshilerdi aýqymdy mádenı baǵdarlama, Dosym Sátbaev, Eldos Toqtarbaı, Beıbit Sarybaı, Smaǵul Elýbaı, Abylaı Iýsýpov, Ásel Sapaqova jáne basqa da kóptegen tanymal tulǵalarmen kezdesý kútip tur. Sondaı-aq, «Meniń alǵashqy ertegilerim», «Kak osedlat edınoroga?», «Tarmaqtar» jáne t.b jańa kitaptardyń tusaýkeseri ótedi.
KitapFest Almaty 2023 aıasynda:
- «Jazýshylar shatyry». Kitaptar tusaýkeseri, avtorlar men jazýshylarmen suhbat.
- «Kitaptar jaıly Offline». Qoǵam qaıratkerleri men tanymal blogerlerdiń kitap oqýdyń paıdasy jáne olardyń súıikti shyǵarmalary týraly pikirleri jáne t.b.
- «Jazý óneri jáne shyǵarmashylyq úderis». Jas jazýshylar men baspagerlerge kitaptardy nasıhattaý qupııalary, avtorlyq quqyqty qorǵaý týraly semınarlar men dárister.
- «Qazaq qalamgerleri». Qazaq tildi jazýshylar men aqyndarmen suhbat.
- «Oqyrman ulttyń urpaǵymyz» kórmesinde jazýshylar men aqyndardyń muraǵattyq fotosýretterinen fotokollaj usynylady.
- Mınıatıýralyq kitap kórmesi. Qazaqstannyń Ulttyq akademııalyq kitaphanasymen birlesip sırek kezdesetin kitaptar kórmesi.
- Kitap jármeńkesi. Kitap dúkenderi, baspagerler jáne ınternet-dúkender óz kitap ónimderin 20% - ǵa deıingi jeńildikpen usynady.
- «Kitap almasý». Óz sóreńizdi ártúrli janrdaǵy qyzyqty kitaptarmen tolyqtyrýdyń biregeı múmkindigi.
- Balalarǵa arnalǵan oıyn-saýyq baǵdarlamasy. (Anımatorlar, oıyn-saýyq shoý-baǵdarlamasy, sheberlik synyptary, bet boıaýy, konkýrstar).
Festıvalde «Aýylǵa kitap» dástúrli akııasy ótedi, onda kez-kelgen adam kitapty Qazaqstannyń aýyldyq kitaphanalaryna tapsyra alady. Sondaı-aq, almatylyqtarǵa 5000 tegin kitap taratylatyn biregeı «Kitap labırınti» qurylady.
Ótetin kúni men ýaqyty: 9 qyrkúıek, 2023 jyl, saǵat: 11.00-19.00. (kirý tegin)
Ótetin orny: Almaty qalasy, Arbat alańy
Uıymdastyrýshylar: Almaty qalasy ákimdiginiń Mádenıet basqarmasynyń qoldaýymen «BAURZHAN foundation» qory jáne Almaty qalasy ortalyqtandyrylǵan kitaphana júıesi.
