Elımızde 80 myŋǧa juyq jas internet arqyly destruktivtı qoǧamdastyqqa qosylǧan. Būl turaly Ūlttyq qauıpsızdık komitetı töraǧasynyŋ orynbasary Ruslan Seisembaev aitty, dep habarlaidy «Adyrna» tılşısı.
«Halyqty radikaldandyrudyŋ taǧy bır maŋyzdy faktory - terrorizmdı internet arqyly nasihattau. İnternettı qoldanuşylardyŋ belsendılıgı terrorizm men ekstremizm ideologterınıŋ ügıt-nasihat jūmysyn jürgızuge jaǧdai jasap otyr. Ökınışke qarai, eŋ osal jäne terroristık qauıpke jiı ūşyraityn sanat - jastar. Tek biyl ǧana Qazaqstanda destruktivtı qauymdastyqtardaǧy jastar arasynan 80 myŋǧa juyq jelı paidalanuşysy anyqtaldy. Olardyŋ ışınde 6 myŋǧa juyǧy 18 jasqa tolmaǧan. Būl mäselenı şeşu üşın ŞYŪ elderınde terrorizmge qarsy aqparattyq-nasihattyq ıs-qimyl jūmysyn odan ärı jetıldıre tüsu qajet»,—dedı ol.
