Aqtóbe oblysynyń Polıııa departamenti 2 544 642 myń teńgege úsh esik jasatpaq​

2137
Adyrna.kz Telegram

Aqtóbe oblysynyń Polıııa departamenti​ úsh esikti aýystyrý úshin 2 544 642 teńgelik tender oınatqan, - dep habarlaıdy Adyrna ulttyq portaly goszakup.gov.kz saıtyna silteme jasap. ​

Aqtóbe oblystyq Polıııa departamenti atalǵan tenderdiń ótetini týraly habardy 8-tamyz kúni jarııalap, bes kún ishinde, ıaǵnı 13-tamyz kúni bir kózden “Prof Catering” jaýapkershiligi shekteýli seriktestigine bergen.​

Birinshi esiktiń quny - 1 071 428 teńge 57 tıynǵa, ekinshi esik - 821 428 teńge 57 tıyn, úshinshi esik 651 785 teńge 71 tıynǵa baǵalanǵan (Úsh esiktiń ortaq quny - 2 544 642 myń teńge). ​

Tehnıkalyq sıpattamada tender jeńimpazy esiktiń ornyn aldyn-ala ólshep alýy, esiktiń salmaǵy 100 keliden aspaýy, esik ornatylǵannan keıin onyń aınalasyn qaıta qalpyna keltirýi, syrtqy kórinisi zamanaýı standartqa sáıkes bolýy, esiktiń qalyńdyǵy 50-90 mm kem bolmaýy kerektigi sekildi uqsas talaptar jazylǵan. ​

Quny eki jarym mıllıon teńge turatyn óte aqyldy bul esikter halyqty polıııadan qorǵaı ma, joq álde polıeılerdi halyqtan oqshaýlamaq pa? Bul suraqqa jaýap berý qıyn. Dese de, memlekettik mańyzdy mekemeniń qaýipsizdigi úshin esiktiń myǵym bolǵany qajet te shyǵar. Biraq, bizdi “Polıııa departamenti buryn esiksiz turdy ma? Esikpen tursa, olar ne sebepti jaramsyz bolyp qaldy?” degen suraq mazalaıdy. Qalaı degenmen de, halyqtyń salyǵynan jınalǵan qarjynyń suraýy bolýy kerek qoı...​

Qanat Birlikuly​

Adyrna ulttyq portaly​

Pikirler