Memleket basşysy Qasym-Jomart Toqaev 12 qyrküiek künı elımızdıŋ ırı biznesmenderımen jolyǧyp ündeu tastady. Būl turaly Aqorda jariialady, dep habarlaidy “Adyrna” ūlttyq portaly.
Prezident öz joldauynda joǧary deŋgeide öŋdelgen önım şyǧaratyn klaster qūrudy ūsynǧanyn eske saldy. Aituynşa, ekonomikamyzdyŋ köşbasşylary industriialandyrudyŋ qozǧauşy küşıne ainalyp, soŋynan önerkäsıppen ainalysuşy käsıpkerlerdıŋ jaŋa tolqynyn ılestıre alady.
Men metallurgiia, himiia, maşina jasau jäne basqa da salalarda, kem degende, 15 ırı jobany ıske asyru mındetın jüktedım. Būl – memlekettıŋ de, biznestıŋ de mındetı. Biudjettıŋ mümkındıkterı şekteulı. Būǧan qosa, memleket taǧaiyndaǧan menedjerler de tiıstı deŋgeide jūmys ıstemeidı. Sondyqtan elımızdıŋ äleuettı ırı biznes ökılderıne ündeu tastaǧym keledı. Sızderde qarjy da, täjıribe de jetkılıktı, älemdık naryqtarǧa şyǧatyn bailanystar da bar. Sondyqtan osyndai jobalardy jüzege asyru mäselesın qarastyruǧa şamalaryŋyz jetedı. Eldıŋ damuyna qarjy qūiuǧa daiyn ekenderıŋızdı körsetıŋızder, - dedı Toqaev.
Aşyǧyn aitaiyn. Joǧary da aitylǧan öndırısterge investisiia salu aktivterdıŋ tüp törkınınıŋ zaŋdylyǧyn däleldeuge talpynys retınde qarastyrylady. Eger sız būryn-soŋdy ie bolǧan kapital tek menşık iesıne ǧana emes, sondai-aq ūlttyq ekonomikanyŋ igılıgıne jäne Qazaqstannyŋ örkendeuıne qyzmet etse, onda būl – aqşanyŋ qaidan kelgenı jönındegı sūraqty kün tärtıbınen alyp tastauǧa jaqsy sebep. Alaida mūndai mämılege kelu mümkındıgı barǧan saiyn azaiyp keledı. Ony da tüsınu kerek, - dep mälımdedı memleket basşysy.
Sondai-aq, ol ükımet ekonomikany ärtaraptandyru üşın ırı biznestıŋ bükıl qarjylyq, tehnologiialyq jäne kadrlyq äleuetın jūmyldyruy qajet ekenın aitty.
